بانک گوہر ملک ۔۔۔ صدام بلوچ

بانک گوہر ملک بلوچی زبانئے آشوبی شائر ءُ کو اسیں قلم کار میر گل خان نصیر ئے مستریں جنک اث۔ 1938ئے سال ءَ ماں پنجگور ئے د  مگ عیسیٰ ءَ وتی پیرک ئے لوگ ءَ ودی بوتگ۔ اے وھد ا  آنہی آریپیں پت ماں جیونی ءَ کسٹم انسپکٹر اَت و آئی لوگ بانک وتی پت ئے کرءَ پنجگور عیسیٰ ءَ  جہہ منند ات۔

وھدیکہ آچار ماہ ئے بوتگ تہ آنہیا پولیو ئے نادراھی ءَ گپت۔ اے وھدا  آجیونی ءَ بوتگ،  آدور ءَ  دوا  درمان ئے ھچ بند و بست نیست ات۔ پمشکاآنہی ءَ بید پہ بلوچی دوا و درمانا  دگہ ہچ علاج نہ بوت، آنہیا وتی نادرا ھی ئے سوب ءَ  ماں سکول ءَ  ونت نہ کرت۔ بلے بنداتی وانگ بلوچی و پارسی چہ وتی آریپیں پت ءَ  ونت و در برت ئے۔

بانک ءَ چہ بندات ءَ بلوچی زبان ئے وانگ ونویسگ ئے حُب ھست ات۔ایشی سوب ھما چا گردات کہ آ دور ءَ  ردوم زورگ ءَ  ات۔ آنہیا  چہ کسانی ءَ  بلوچی زبان ئے نویسگ بندات کرت و تاں مرگ ءَ  ھمے کارءَ  گوں گلائش ات۔ آنہی ئے بازیں قصہ، ٹرانسلیشن اونبشتانک ماں ماھتا کاں چھاپ بوتگ انت و لبزانکی پڑ ا جوانیں ھند و جاھے گپتگ ئے۔

بانک گوہر ملک یک روژنا پگریں زالے بوتگ او اے چیز آنہی ئے نوشتانک و آزمانکاں پہ جوانی ءَ  پدر انت۔ آنہی ئے گیشتریں نبشتانک  زالبولانی حقانی باروا انت۔ بانک گوہر ملک ءَ شاعری ہم گرتگ۔ نثر (پروز)ءِ تہا قصہ و تژن و بچکند ئے حوالہ آ ہم آجوانیں نام و کردے داریت۔ آنہی قصہ و نبشتانکانی  تہا یک ھنچیں روانی و سادگی است کہ وانوک وت ھمے ماریت کہ وت ہمے ساچشت ئے بہرے۔ بانک گوہر ملک قصہ ئے ازم و تکنیک ءَ  شری ءَ پوہ و سر پد ات۔آنہی ئے قصہ آنی پلاٹ، زبان و بیان ءِ انداز ءُ کردار و ندارگ کشی وتی مٹ وت انت۔ ہمے سوب انت کہ آنہی قصہ و نبشتانک لٹریچرئے نمیرانی ساچشتانی  تہا حساب بنت انت۔

آنہی ساچشتانی رژن باز شاھگان گندگ ءَ  کئیت۔ آنہی ءَ ماھتاک بلوچی ئے تہا ”گھارانی دیوان“ ئے بن گپ ءَ ھم نبشتہ کتگ کہ بازستا ءُ  گلائگ بوتگ انت۔ آنہی آ وتی نبشتانکانی تہا بلوچی بتل ہم جوانیں ڈولے ءَ کارمرز کتگ انت۔ آچہ وتی چاگر د ئے اڑ ءُ جنجالاں ھم پوہ و سرپد بوتگ۔ آنہی ءَ  بلوچ چاگرد ئے تہا بوؤکیں چست و ایر، دود و  ربیدگ، وشی و گم ئے ھوالہ آ جوانیں پیمے آ وتی ھیال درشان کرتگ و اے جھت ءَ  آنہی نبشتانک زند راستی آھانی ڈس ءَ دینت۔ پمیشگہ ما اے گپ ءَ گشت کناں کہ آنہی نیمرانیں ازم پہ نوک باھندیں لبزانت و شائراں رھدر بری ئے جوانیں وسیلہ انت۔ آنہیا بازیں آزمانکے نبشتہ کتگ۔آنہی قصہ آنی سٹائل و اسلوب لبزانی گچین چاگر دئے شوندار انت۔

ھچ شک نیست کہ گوہر ملک ئے مستریں ھزمت آنہی قصہ نویسی ات۔ آنہی قصہ بلوچ چاگرد ئے عکس ءَ پہ جوانی ءَ پیش دار نت۔ آٹک و ٹولی چاگرد ئے زالبولانی باروا جوانیں پیمے ءَ وتی مارشتاں ماں لوزاں کمائیت۔ آنہی ئے واھگ ات کہ لس بلوچ زالبول گوں زانش و زانت ءَ ھمگر نچ بہ بنت، پرے ھاتر ءَ  آنہیا سر جمیں زِند ءَ  ندکاری ءَ رابر جاہ داشت۔