Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » من وسلے و زندگی۔۔۔ساچان تیابی

من وسلے و زندگی۔۔۔ساچان تیابی

اے ہَما بان اِنت کہ ایشی تَہا یک بَچکے نِشت اَت، ہر وھد بِدیستیں یک نوکیں کتابے دستا اَت او ونتے، من روچ روچے آنہی چارگا َ ہمدا اتکاں۔

من مدام جْست گِپت “اڑے تو ھما پریری ونتگیں کتاب ئے تَھا چے چے دَربْرتگ؟“۔

آ نہی آ پسہ دات “باریں یار منا یات نہ بیت تو زان ئے منا ھما کتاب ئے نام اوں جوآن یات نہ اِنت”

من ٹَھکے دات او گْشت “تئی دماگ انچو کمزور اِنت!!!۔

آنہیا دِہ گوں ٹھکاِ پسہ دات “اڑے یل دئے کڑے بڑے مہ کن”

پدا من و آنہیا یکجاہ ٹھک دات ھاھاھا۔۔۔۔۔۔

پدا سْلے (آنہی نام سلیمان اَت من آئرا پہ ھْبناکی سْلے گشت) آ گپ بِندات کْت “منی واھشت اِنت من سَپر بکناں، بے مِنزلیں سپر، ھنچو ملنگی بِکناں، گَم ئے ھمراہ داری آ من تروتاب بکناں۔۔”

 

من گْشت “یار منی دل ھم ھنچو لوٹ اِیت ”

سْلے آ پسہ دات ” تو ھم گنوک من ھم گنوک ھا۔۔۔ھاھا۔۔۔ھاھا”

 

من جْست کْت۔ تئی ھیالازندگی چون زیبا بیت؟

سْلے آ پسہ دات۔ زندگی دلبری ئے تہا زیبا بیت، دلبری شر رنگیں مرمانی ہمراہ داری اِنت، وانگ اِنت، زانتکاراں گوں نیاد کنَگ،تئی ڈؤلیں گنوکاں گوں ٹہک دئیگی اِنت۔ اے ڈؤلا زند زیبا بیت۔۔۔۔

منی دل مان اِنت نوں پہ سپر ے در بیایاں۔

من گْشت ” وہدے آ تئی دل مان بوت پہ سپرا منا اَلّم ھال بِدے”

آنہیا منی نیمگا چار اِت او گپے نہ جت۔

وتی کتاب ئے  منی نیمگا داتئی او گوئشتئی پلّو اے کتابا بوان ئے۔

 

پدا بازیں روچا تاں من آنہی نیمگا نہ شْتاں، بلے مروچی کہ دلا اوماں کْت من سْلے ئے کتاب زْرت او آنہی نیمگا سر گِپتاں۔

گڑاں چے گِنداں!!

 

بان ئے دروازگ کمّو پَچ اِنت۔ من تَھا پْترتاں۔ بْرزا چاریں کْنڈاں موکوآ کْدام بستگ، دو کْرسی ایراِنت، کتابانی الماری ھاکا بار اِنت، کتاب پہ وت دیم کپتگاں، ابیتکی آ اے بان گْلائیش کْتگ، ٹیبل ئے سرا لھتیں کتاب ایراَنت۔ھمے کتابانی چیرا یک اِسپیتیں کاگدے ایر اِنت کہ  گوات سرینَگا اِنت۔

 

من ہمے کاگد زْرت ونت نبشتہ اِنت۔

 

منی گنوکیں تیابی (سْلے آ منا پہ تیابی ئے ناما توار کْت چیا کہ من مْدام گْشت من تیاب دب ئے شیدائی  آں)!

تو منا کْلوہ دات کہ وھدے پہ سپرا دَر شْت ئے منا ھال بِدے۔ یار من پہ تو باز ودار کْت بلے تو نہ یتک ئے۔ من جیڑ اِت بلکن تو مْرتگ ئے ھا۔ھا۔۔ھا، بلے ھیر اگاں تو زندگ ئے گْڑاں وتی زندگی آزیبا تر بِکن۔ جانی منی دِلا من واتر نہ باں۔نوں دیم پہ ابیتکی آ گون وتی ھمراھی آ گون تئی یاتاں بے مِنزل رواناں، بس نوں زندگی آ گوں مِھر کَنَگی اِنت بازیں وھد تاں تھاریں کوٹی ئے نِندگا مردم تھار بیت!!

 

مِھروان منا بِہ بخش کہ گوں تو دْچار نہ کپتاں۔

 

تئی گنوکیں دلبر۔ سلیمان سْلے

 

من ہمے نَمدی ونت او  پَتات ایر کْت، منی دل مان اَت کہ من ہمے نمدی ئے پسّو ا نویساں پدا من جیڑاِت کہ نمدی آکْجا دیم دیاں، نمدی چوں آنہیا را سر بیت؟؟

ھمے ساھتا کپودرے آ بال کْت کہ نہیا ہمے بان ئے تَھا کدوک ہم بست اَت۔

من چاریں نیمگاَ چاراِت ٹہکے دات (کہ مْدام گوں ‘سْلے’ آ ھنچوش ٹہک داتگ اَت)۔

پدا من چہ اِدا دراَتکاں، گون وتا، ٹہک جناں دیم پہ تیابا شْتاں کہ رو زرد ئے نَدارہ کناں، کہ سْلے ئے گپّانی سرا زندگی آزیبا بِکناں۔۔۔۔۔

Spread the love

Check Also

قدرتی آفات اور حکمران طبقات ۔۔۔ جمیل بزدار

وہ ندی کے کنارے ایک کچے مکان میں رہتا تھا۔  ندی کا پانی وہ اپنے ...

Leave a Reply

Your email address will not be published. Required fields are marked *