Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » کتاب پچار » ہڑپہ سے شناسائی ۔۔۔ صفدر خان

ہڑپہ سے شناسائی ۔۔۔ صفدر خان

ڈاکٹر شاہ محمد مری آ کتاب ‘ہڑپہ سے شناسائی اندرا نِبِشتہ کْتگ “زبان یک راجے bible اِنت” بِزان کہ زْبان یک پھکیں کِتابے ئے کَدّا گِران نِھاد اِنت۔

کَسّے آ گْشتگ کہ “ہر راجے اچ وتی زبانا پَجّا رگ بیت”

اے گپ تِچک اَنت چیا کہ زبان یک آجو تَبیں اِنسانے واستہ جوھر اِنت، زبان ئے دیما بَروک آنہی ئے گپ جنوک بنت، ھاں پہ گیشتر دیما بَرَگ ئے ھاترا آ راج ئے زانتکار و شائر و نبشتہ کار جْھد کَنَنت۔ یک ماسے کہ  وتی زَھگا وتی جِندئے زبانا لولینِیت بِزاں کہ آ ھَما زھگ ئے ماتی و راجی (قومی) زبان اِنت۔ بلئے مروچاں بے سرو پادیں گورنمنٹ  گْشیت کہ راجی زبان بس یکے بیت آ دِگہ دْرست علاقائی زبان اَنت، ھَیر گورنمنٹ وا بے سْدّانی دستا اِنت۔بلے ما وت بِہ جیڑ ءِیں کہ ما کْجام زَھم جَنَگا ءِیں پہ زبانا؟

کمّو ہسٹری نیمگا رواں۔مرچیگیں ورنا اچ وتی ہسٹری آچہ چَٹ بے ھیالاں (“ما ھَمِنچو وتی ہسٹری آ َ چہ بے ھیال ءِیں کہ کسے مارا اَچ کیسپینا کاراِیت، کسے  مارا عربستان ئے مردمے  گْشیت کسے  مارا باریں کْجا چہ گِر کَنت، تو ھنچو گْش ئے  زانا بلوچستانا انسان پیدا کَنَگ ئے ability نہ بوتہ اِدا دْرست جناور بوتگ آں ” شاہ محمد مری)

ما دْرست بلوچ مِھر گَڑھ ئے اولاد ءِیں ما دْرست بلوچستان ئے سرا رْستگیں مردم ءِیں۔

(ھر بلوچا را بایَد اِنت بلوچستان ئے وش ئیں او “مْحتاط” ئیں نِبشتہ کار ئے دستا چہ نِبشتہ بوتگ ئیں وتی history آبوان اِیت)

اگاں ما وتی گْوَست ئے سرا چمشانک ئے نہ دیاں گْڑاں تاں ھما وھدی ما ھمے پئیماوتی دْژمناوتی سنگت گْشاں۔

منا بژن بیت کہ کْجام ورناھانی سرا میر گْل خان نصیر ا وتی زبان ئے او وتی راج ئے ھِزمت کَنَگ ئے اْمیت داشتگ ھما ورنا مروچی سردار ئے نازینگاچار بند نِبشتہ کَننت او وتی ھمساگ بَزگر ئے ھال پْرسا نہ کننت۔

کْجام ورناھانی ھاتراماما عبداللہ جانا شال ئے تَھا ‘فِلحال سٹیشنری’ پچ کْت او آ اودا لینن، اسٹالن، او  دِگہ بازیں راھبرانی بابتا نِبِشتہ بوتگ ِئیں کتاب ایر کْت اَنت ھما ورنا مروچی ماما عبداللہ جان جمالدینی ئے جِندئے بابتانہ زاناں، کْجام ورناھانی ھاترا میر غوث بخش بیزنجو آ زالم ئے سانکل سَگ اِتاں ھما ورنا میر غوث بخش بیزنجو ئے پِگر اچہ بے ھیال اِنت۔

بازیں ورنا اچ سائنس و ٹیکنالوجی ئے علما نا آشنا اِنت، بلے کْجام موبائل کہ سائنس ئے برکت آرا گون اِنت ھما موبائلا زور اِیت او پہ پَھر سردار ئے گاڑی ئے کَشااوشتیت او اکس کَشّیت او پہ پَھر وتا نازینیت۔

سنگتاں!! اے زانت و زانگ ئے  اَھد اِنت۔گْلامی ئے زَمزیلاں پْپروش اِت دیما بْہ جْنز اِت وتی دژمنا  پَجا بیار اِت۔

مارا باید اِنت وتی راجی زبان ئے تَھا وانگا دیما بِہ براں، کندیلاں رژنا بِکناں، وتی بَزگر ئے واستا ٹیکنالوجی ئے جوڑ کْتگ ئیں  آسراتی بِیاراں،

ما باید اِنت سرونز ئے ساز کَنَگا بِزاناں، رباب ئے تارانی تَھے دلبریں توارا گْوں وتی ‘کلچری’ ناچ بِزاناں،  مِھر گڑھ ئے اِنسان ئے پئیما “رقص” بِزاں آں، وتی گْھاراناں گوھر ملک ناز ئے نِبِشتہ کْتگ ئیں کتاباں بْوانیناں۔ وتی زھگانامِھرانکی لبز ھیل بِہ دیاں، سائنس ئے نیمگا گامگیج بِکناں۔

چے گویرا ئے وتی زھگانی ناما آخری نمدی آگوش بدرایناں بِداریناں۔

(بلے اے کار ھما وھدا سرجم بنت وھدے کہ ما وت وتی زبان ئے ھِزمت بکناں)

ما یک زبان داریں راج ئے آں۔وھدیکہ ما وتی کماشانی گْشتگ ئیں ‘چاچ’ آں دِلا بَرءِیں او وتی کماشانی یکجاھی او رستر ا چہ گنتر ئیں انگریز و سردارانی گوما جَنگ و پْروش دَئیگ ئے کِسّھان شَموش ءِیں گْڑاں اچ ایشی گِیشتر بد بھتی چے بوت کنت۔

بلے من دل پْروش نیاں چیا کہ روچ مروچی تاں منی ورنا بازیں جْھد کنَگایاں لبزانکی دیوان ٹاھینَگ بوھگا اِنت، راجی زبان ئے تَھا نِبشتہ کاری بوھگا اِنت، درمْلکی لبزانک ئے رِجانک بوھگااِنت، زمین ئے سرا شائری بوھگااِنت۔

بس لھتیں نازانت تنے وھدی قبیلہ پرستی ئے راہا یاں، لھتیں ورنا وتی زبان ئے تَھا نبشتہ نہ کَنَگایاں۔

منی گپّانی مول مراد اے نہ اِنت کہ ما آ دِگہ زبان مہ وان اِیں، دری زبان ئے گپ جنوکانی احترام مکن ئیں، اِنّا! ھرچ راجے کلچر، زبان، او گپ جنوکانی گوں مِھر مئے سرا اَلّمی اِنت۔

بلے بایداِنت کہ ما نوں سائنس، وتی زبان، وتی کلچر ئے ہمراہ داری بِکناں او وتی گوئست ھال بِزاناں۔

گْڈ سرا  مْردا ساحر ئے یک زھرشانی ئے بْوان اِت:۔

نہ علم ئے شوک، نہ قوم دوستی،نہ سْد دْنیائے

چْشیں بے جوھر و جان دْز و سْستیں نوجواناں سوچ

Spread the love

Check Also

یورپ کا عروج ۔۔ ڈاکٹر مبارک علی ۔۔۔ تبصرہ: علی عارض

اس کتاب میں ڈاکٹر مبارک علی صاحب نے یورپ کے عروج کے محرکات، مسیحی مذہب ...

Leave a Reply

Your email address will not be published. Required fields are marked *