اواے حاطرا کہ مہر مِڑی ۔۔۔ پبلو نر و دا / شان گل

او پچیکہ مہر مڑی
نہ چھڑووثی شوشوخیں کشا را نی اندرا
بلکہ مڑدو ز ا لا نی دفا نی اندرا دِہ
مں دگہ ہما نہا نی پلو ہ براں جِہاں
آں کہ منی ڈو بر وتئی وژبوءَ نیا ما
وثی سازشی ایں منصوبہ گھسّوڑغاباڑ اینت
منی بارہااو منی بیلی
آں تراشما نہیا زیات ہچ گوئشتہ نہ خننت
آں کہ مں ترا اولا ڈسثّہ

مں تئی پجھار و بیغاپیش
سوزیں ریمانی پٹی آنی اندرا بیثغاں
مں مہرا ھِیل نہ ویثغاں بلے مں‘ اے کثہ
او مں گلابہ چکا دِرک داثہ

آں ترا دُہمی چے ڈسثہ کننت؟
مں نَیں جواناں نَیں بذاں بس مڑدمے آں،
اوگڑہ آں منی زیندھئے خطرہااوار کننت
آں کہ ترا سمائیں
اوآں کہ تہ اوار کثہ گوں وثی ڈونگھائیں شوقا

جوآں ، ا و ہمے خطر ہ
مہر ئے خطرہ ایں ، پیلو یں مہر ئے
داں دراہیں زیندھا
داں دراھیں زیندھاں،
اواغہ ہمے مہر پر ما بیاری
مَرگا،قیداں
مں پکاں کہ تئی ڈالائیں چم
چو کہ مں آنہا ں چُکاں
گوں فخراُ بوٹے جنت
گوں دوڈوڑیں فخرا ، او مہر ا
گوں تئی فخر ااو منی فخر ا

بلے پیشا آں منی گوشاں کا ینت
پہ سیاحتی مسافری ئے دروغ کنائینغا
ہماں وہش و سکّیں مہرئے ، کہ مار پَوثاں بستی اَیں
اوآں گشنت:’’ تہ کہ مہر کنغائی
آں تئی لائخیں زالے نہ ایں
تہ پچے آنہیا مہر کنئے ؟
تہ تہ شانہیا زیا ت ز یبا ئیں نے دیثہ کنئے
زیات سنجیدھیں، زیات ڈونگھائیں
زیات جو ائینے، پوہ بیغا نہ ؟
بگند اِے چکھر سفک ہٹ ایں
اوشوئیں سغرے نِیں
او گندی شوئیں جراں جانا کنت
اودگہ ،دگہ‘‘۔

اومں چوش گشاں:
او سا ہ ، مں ہمے ڈ و لہ تر ا لوٹاں
او سا ہ ، مں ہمے ڈولا تر ا مہر کناں
چو کہ تہ پوشئے
او چو کہ تئی ملگور بڑزا کنڈھی بنت
اوشوں تئی دف برشکندی
سفک چو کہ آف بنزہانی
بہی چکا پاکیں سِنگانی
مں ہمے ڈو لہ تر ا مہر کناں او ساہ۔

نغن ءَ مں نہ گوئشاں کہ مناں وستاکں
بلے گشاں کہ زیندھئے ہر روش ءَ گھٹ مہ وی
مں ر و ژنائی با روا ہچ نہ زا نا ں
کہ شکوکیث و پکو روث
مں رژنہ چھڑو لوٹاں کہ آں روژنابی،
مں شفہ ورداسا نی دیغا باڑانہ یاں
مں پہ اشیا ھیل بیاں اواے مناں بیڑترینی،
او ہمر گا،تہ رژن و نغن
او
سا ء
استنت

آتکغئے تہ منی زیندھا
گو ں ہما چیزاں کہ تہ آرغئے ثئے،
ٹہیثغیں
رژنئے اونغنئے او سا ئے ، مں پڑ تو ھیل اثاں
او ہمے رنگا تہ مناں گزر ئے
ہمے رنگا مں ترا مہرکناں ،
او گوں ہما نہاں کہ بانگھا اش کنغا باڑ اینت
ہما نہی ئے کہ مں آنہاں نہ گوشاں ،
آں بلاّں ہمیذا پڑھنتی
اوبل کہ آں مرشی پذ گڑدکننت پچے کہ
پگھ ایں پہ اے بحثاں

صحباآنہاں ما دَوں چھڑوئیں
وثی مہرا نی درشکئے تاخے، یک تاخے
کہ رِشی ڈغارا
چو کہ بگش کہ اے مئے جوڑاں ٹاھینتغث
چو کہ چُک(Kiss) کہ اے رشیت جھلا
مئے آزمانانی گٹیں بڑزغاں ژہ
پہ ڈسغا آس و ناز لکی آ
یک سچوئیں مہر ے ئے