Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » کتاب پچار » غداروکرشن چندر ۔۔۔ سلال ساوڑ

غداروکرشن چندر ۔۔۔ سلال ساوڑ

ناول ” غدّار ” منا گون اَت او ماں بلوچستان یونیورسٹی ئے کینٹینا سنگتے آھگہ  ودارا کنگا اِتاں کہ چہ باریں کْجام نیمگا  دگہ منی نزّیکیں ” تمردیں وانوکیں ” سنگتے  چم منی دستئے کتابا کپ اَنت او دیم پہ من کئیت  کتابا چِست کنت او  سرظاھری آ چم شانکے دئیگا رند پدا کتابہ منی نیمگہ ٹال کنت او کندگے آ گوں درّائین ایت:  ” اووں!  یار تو یلدئے اِشانی وانگا ”

منا” تمردیں وانوکانی” ہمے رویّہ دوست نہ بیت کہ دگرے ئے وانگئے دیمہ  اڑاند بَنت۔

چونہا ہرکسی وتی مزاجے او جتائیں پسْند و ناپسْند بَنت پمیشکا باید جند ئے ناپسْندا را دومی آ اوں پہ ناپسْند کنگا مجبور کنگ مہ بیت، اِے رِدا ہرکس آزات اِنت کئے آ دوست داریت او کئے آنادوست کنت یا کئے را وان ایت یا ناں  مہ کن کنگ اور  نَئیلگ ئے کرد جْوان نہ اِنت،  البت تو ونتگیں چیزے ئے درگتا  وتی مارشت، ھیال او ریو آ دات کنئے  بلے داشت نہ کنئے۔

 

پہ مَں کسّہ یے تْری کْجام ھم تکنیکا بہ بیت  بیانیہ  کہ  چیز ارزان و تچکا تچک پیش کنگ او بیان بَنت  جتا جتائیں واقعہانی وت ماں وت ہمگرنچی اور  آنہی تہا سادگی یے بیت او ھر چیز پیداور اِنت،  یا چیدگی  بیت کہ اودا   ھیال، مارشت او وتی مقصد ماں ھاسیں نشانیانی وسیلہ آ پیچیدہ او غیرروایتی درشان کنگ بَنت،  یاکہ تْری  آزاد تلازم خیال کہ پکر و ھیالانی ہاسیں رد و بند نہ بیت او شنگ و شانگیں صورتے پیداور اِنت  یا تجرید ئے تکنیک بہ بیت کہ اودا پلاٹ وکارست ئے پیداور کنگ و رْدوم دئیگ سرا زور دئیگ نہ بیت پلاٹ و کسّہ کوردیم بَنت – – – – – – – –

منا  انچیں ناول وانگا  وشتر بیت ماں آنہی تہا ابیلے آ ندارہ کْت بہ کناں، پہ مَں زردانی مارشت و پگراں بیاریت او یک چاگردے ئے داستانے ئے اظہار بہ بیت، ہما ناول منی پسْند ئیگ اِنت کہ  لس  جیڑ? و درداں گویاک بہ دَنت۔

کرشن چندر اْردو زْبان ئے دیماتریں فکشن رائٹراں یکّے او  مستریں پروگریسو نبشتہ کار اِنت، آنہی ناولانی پجّی آ بازیں قصہ آنی کتابے دیما  اتکگ،

آنہی تخلیق انسانی جیڑھانی دَرنگازی آ کن اَنت او آنہیا گیشتر  مھر، غریبی، شْد، لْٹّ و پْل او ظْلم و زوراکی ڈؤلیں بْن گپّ وتی ساچشتاتی بَھر جوڑ کتگ اَنت،۔

” غدّار ” کرشن چندر ئے نامی ایں ناولاں یکّے کہ پاکستان ئے جوڑ بئیگ ئے  وھدا ماں ھندوستانا ھندو او مْسلم ئے ناما بِنا بیتگیں جنگ و ھون ریزی ئے پْشدرا نویسگ بیتگ.  چونہا اِے سرھالا بازیں ناول نبشتہ کنگ بیتگ اَنت چوکہ خوش ونت سنگھ ئے ‘ ٹرین ٹو پاکستان ”   بھیشم ساہنی ئے  ” تَمس ”   قرۃالعین حیدر ئے “آگ کا دریا ”  رمانند ساگر ئے “اور انسان مرگیا ” دگہ باز،

او چَرے وَیل ئے پْشدرا  بازیں فلم ہم اڈ دئیگ بیتگ.

 

اِے ناول سرجما  “بیج ناتھ”  نامیں ھندو ایں کارستے ئے مونولاگ اِنت  بزاں ھمے کارست ہبر کنت او وتی ھیال، سرکپت و اھوالاں بیان کناں بیت.  کسّہ ئے بْنگیج لالے نامیں میتگے آ چہ بیت.  یک مھرانی دَوار، ھندو او مْسلمانانی پْرامن و ہم سنّت ایں میتگے کہ ناگہا روچے ھندوانی کْشگا شورشے پاد کئیت او  ھر یکّے تراں تْرون بیت۔

اِے ناول ماں جنگ ئے نوبتا جگر سندیں واقعہانی یک گرنچے، درد و اندوئے  سفر اِنت  وانگ  ئے تہا انچیں مْلوریں کیفیت دَنت کہ گریوگ پرمائیت  و بژ بڑنیگ کنت –

 

تژ ن و مَلنڈ کنگ کرشن چندر ئے تخلیق و ساچشتی خاسیتانی یک مزنیں بھرے،  ناول ” غدّار ” ئے تہا آنہیا اِے مذہبی کْشت و کوش و فساد ئے بگیری آ وشّیں وڑے آ تژنئے  سگار کار گِپتگ – – – – – وھدے بْنجاھی کردار  ” بیج ناتھ ” ئے ہانواد  ئے ِ سرا  مْسلمان  بِیڑ کارَنت  او  آنہی  ہانواد جَنگ و تَباہ کنگ بیت تاں آ بے ھوش و سار چہ میتگ ئے در کپ ایت او   تَچان بیت  کہ لوگ ئے کْچک آنہی پْشتا گون بیت  گْڑا آ کْچکا را بیرو دیانا گوشیت:

” تو کہاں جائے گی کتیا – تو کتیا ہے  تو انسان تھوڑی ہے کہ تْجھے اپنی جان کا ڈر ہو – یہ سب تہذیب کی باتیں ہیں – اْونچے مذہب اور اخلاق کے جھگڑے ہیں – یہ تلوار تو بہت بْلند اْصولوں کی حمایت میں نکلی ہے – شْکر کر تو غیرمہذب ہے، جاہل اور بے اخلاق ہے  تْجھے یہ معلوم نہیں مذہب کیا ہے، تو نے کبھی پانچ وقت نماز نہیں پڑھی، کبھی کسی گرجے، مندر، مسجد نہیں گئی ………………. ”

اِے دانک انسانی زند ئے سرا بلائیں تژن اَنت،  ہمے انسان وتارا اشرف المخلوقات سرپد بیت، چہ توامیں مخلوقا گھتر و وتا اَگل و سماہ ئے ھدابْند زانت،  تہذیب و  اخلاق ئے دعویدارے، وتی مذہب ئے سر ا پَھر بندیت بلے چہ کْچکا ھم بدتر و گندہ تریں شکلے آَ زندگ اِنت۔

آنہی نبشتھی زبان و بیان ئے  طرز باز زیبا اِنت –

ماں ناولا چہ کارست ئے زْبانا آنہی اندری جؤزگ  او مارگانی وشّیں  دابے  آ  دَرَنگازی  کنگ بیت،  گوں پْرزیب ایں رنگے آ  کمائگ بیتگیں  ھمْک تران او ر دانک دلا لَگّ اَنت – – – – –

کرشن چندر ئے ساچشتانی ہاسیتاں یکّے ندارگ کشّی اِنت، آئی ساچشتکاری اندر ا امیجری ئے  پْرکشش ایں گوناپ جْوانی آ مارگ بَنت۔

ماں اِے ناولا ہم کرشن چندر وتی نبشتہ ئے وشتریں صفت ندارگ کشی او گوناپ سازی ئے جَلَشکاں گوں باکمال و برا? داریں رنگے آسَھرا کنت و پیشداریت –

Spread the love

Check Also

فلم بازار اور عورت کی منڈی۔۔۔ مریم ارشد

ہمیشہ سے یہی سْنتے آئے ہیں کہ زندگی مشکل ہے۔ لیکن زندگی مشکل نہیں ہے ...

Leave a Reply

Your email address will not be published. Required fields are marked *