نازبُو۔۔۔ عبدالوحید عاقب

بلوچی زبان ئے نامداریں کو اس و زانتکارحیات شوکت ئے سہ کتاب چھاپ بیتگنت:۔

یکے ”چراگ گواتانی میاراِنت“دومی ”نازبو“و سہمی”فیروزہ“۔و یک ناولے ”نازی و بہرام“ او آنہی زندہ چے پد چارمی شاعری ئے دپتر ”ترونگلیں اَرس“ شنگ وتالان بوت۔ اِے پماوشی ئے گپ اِنت۔ نازبو ئے رنگ و دروشم چواِے ڈولا اِنت یک نازبو ئے پُلّے و نازل ئے پندول کمے گِندگ بیت اِنت۔نازبو نازُل ئے مہراں سرریچ اِنت۔ شہد و شکلیں گال پدوڑ و ڈولے کمائگ بوتگ اَنت۔ نازبُو ئے توکا یک دراجیں تاریخی نظم ئے مان اِنت آئی ئے نام اِنت ”گیّر“۔درکسانی آ بگر تانکہ زند ئے درائیں تکاں سرپد و پوہ بیت۔اِے وہدی زمانگ ئے و اِے زمانگ ئے فرق و وشی گندگ بیت اِنت اے شاہد و گواہی آ دئیگ آ انت گیر من ”مچکدگ“ آ چھاپ اِنت نوں من لوٹاں آنہیا چیزئے بَند و کڑی ایدابیاراں:

 

وش اَتنت دہقانئے یلیں شیریں پُر سگ ئے

کندگ و ٹہکو گوماہم کاری وش اَتنت

 

پُلیں بَرورداں گلّہ و برنج رونگی

وش اَتنت ہمبانی بن ئے دہقان گوں یلاں

 

وش اَتنت ڈہل و سرنا و نازینک مادری

وش اَتنت زیداخی جنک ماہ و مہگلیں

وش اَتنت سانگ و سور گو ماپلیں دوتکاں

وش اَتنت مادرگوں دل ئے پُلیں واہگاں

 

پہ گوانزگی تپلاں وش اِتاں لیلو مادری

وش اِتاں براتا نی گہار مائیں سومری

 

وش اِتاں جودانی جنین کاشی کڈک ئے

وش اِتاں ہمساہگ ہماوہد و باریاں

 

وش اِتاں براتانی گہار بیلاں ساری آ

دل زریت پیشی نوبت و دور و باری آ

 

 

توبکش شوکت دور کجام دَہرئے وش تراَت

پیشگیں دور و نوبت و باری وش اَتنت

تئی گلیں ترانگ دوست چد و ساری وش اَتنت

 

 

وحید مئے غم جتیں دل ئے دنیا آ

سباہاں کُو کُو گونیں شانتل ئے دنیا آ