بہمنتگیں جبین ۔۔۔۔ شمیم شاہ جی

زند ئِ پشتا دنت شیطان باز تما

مرگ ئِ پشتا مُلاّ تُر سین اِیت باز

عقل ئِ ناما فلسفی کئیت و جبینا گنگ کنت

صوفی قیدیت اِنت بہ سد جا ہا اے زِردا کودکیں

دہریہ پہ راست ئِ نیموناٹگل دنت اِنت ہیال

بیمگر پہ چُنڈے نانا گیرت ئے بازیں کار بندیں

راہ نشان دنت ئے ردیں

مجگ ہزار آسانی تہہ بنی آدم ئِ نُوں گرستگ اَنت

ہر کسا لیبوک وتی کُرتہ سبکیں ایشرا

ذہن گشے بنی آدم ئِ

تجربت جائے بڑیں

ذگرانی نیکین و بدیں

راست و چپین پگر و پیلانی لواریں بُن جائے

ہرہبر کہ مرچی نوک اِنت زُوت باند ا کُہن بیت

وہد ئے تیزیں ھالچین کاری ہر دما ہالے دگہ

سارچریت بیم و شکّانی بزیں لُوڑ ئے تہا

بُن تب حیران گُو وتی لوٹ و جہان ئِ بندشاں

گوں وتاہم تب نہ اَنت

زِرد ئے کِشار و زِند ئِ شار

دائمی جنگے بنا اِنت بِہ درا او باتن ئَ

چم روانت اودا کدی کاینت رادا

چو صفااو مروہا تات ات یہ آپا ھاجرہ

پرشتہ آدینک شر دل ئِ سد ٹکر اِنت

سد جاگہ ئَ

ہچ نزاناں کہ کُجا گنداں وتا؟

کجا پٹاں وتا؟

کجام عکس اِنت منی؟