Sangat Academy Monthly Sangat Quetta
سمو تئی گوما منتوں بازیں.
توکلی داثئے مست نامانی
مں دلے بنداں بیڑثؤ داشتہ
رغ رغا حونی جزغیں دانی
سمو تئی ناما تاج و سر قرباں
سمو تئی ناما بام و در قرباں
سمو تئی ناما و زر قرباں
یکبہئی بیہو ماڑ سر قرباں
ساونڑی مستیں کھوکراں گونئے
موسمی کونجاں ولہراں گونئے
یاکہ کوگانی کرامغاں گونئے
یا تہ آں برانی آسکاں گونئے
ماہ پری آنی لڈغاں گونئے
سمو تئی دروشم تی کھیا کایاں
توکلی دیذو دیذگاں گونئے
زیندغئے سمو تؤ نمیرانئے
تھڈری کوہا بز میشانئے
رسترانی ئے گٹ درنگانئے
توکلی نامئے عشق درسانئے
زیندغئے سمو تؤنمیرانئے
ہازگیں ٹپانی ملم سمو
توکلیں مستانی کھلم سمو
شائری سوزانی اغم سمو
زوراخ ئے دستانی قلم سمو
عاشقی ٹپاں مرض درمانئے
زیندغئے سمو تؤ نمیرانئے
