دانا ھاں چے گشتہ ۔۔۔ گوہر ملک

۔1۔ نیکین جنین تئی آخرتا ہم شرکنت۔
۔2۔ جنینا تکلیف مہ دئے بلکن آنہی تکلیفاں دور بکن۔
۔3۔ آنہی کہ سئے جنک اَنت، آجنتا منی ہمسا یگ انت۔
۔4۔ جنینے آ تعلیم کُرت بزاں کہ یک خاندانے آ تعلیم کُرت۔
۔5۔ جنین پہ مُصیبت و غم ئے کم کنگاپیدا کنگ بوتہ۔
۔6۔ جنین چہ آدما جوڑ انت و آدم چہ حاکا
۔7۔ زیبائیں جنین ئے گندگاچہ چم، بلے نیک دلیں جنین ئے گندگا چہ دل وش بیت۔
۔8۔ چہ جنینا بے نیاز ، زند ئے گواز ینگ یک مزنیں جرمے۔
۔9۔ جنین درستان چہ شرترین و دُرستان چہ آخری آسمانی ٹیکی انت۔
۔10۔ جنین ئے دل چوماہ ئے وڑ ا بدل بیت ، بلے ایشی زمدار مردانت۔
۔11۔ ہر کس کہ جنین ئے واھشاگوں طاقتا بدل کنگ لوٹیت ، آمزنیں بے وقوفے۔
۔12۔ اگہ گوں جنینا زند گواز ینگ مشکل اِنت بلے بے جنینا زند ئے گواز ینگ مشکل ترانت۔
۔13۔ جن مہ بیت مردنیم اِنت ،زہگ مہ بیت گس ویران اِنت۔
۔14۔ جنین ئے ھبرانی سراصبر کنوکاحضرت ایوب ئے صبر ئے ثواب رس اِیت۔
۔15۔ غصہ ئے وھد ا طلاق ئے ناما مہ گر کہ اللہ آ دوست نہ بیت ، و جنین ئے دگرانی بیت۔
۔16۔ ماس ئے حق چہ پس ئے حقاسے امنکس اِنت۔
۔17۔ یک روچے لہتیں مردم حضرت رابعہ ئے خدمتا آھت و گشت اِش ’’کہ اللہ تعالیٰ آ درستیں فضل و کرامات پہ مردینان کرتگ اَنت، و ہچ جنینے آ پیغمبری نہ رستہ، تو چوشیں مزن مزنیں حبر پہ چیا کنئے ؟‘‘۔ حضرت رابعہ آجواب دات، کہ خدائی ئے دعویٰ تنگا ھچ زالبولے آ نہ کُرت ، بلے دُرستیں انبیا چہ جنین ئے لاپاودی بوتگ اِنت ، حضرت عیسیٰ بے پِس آ ودی بُوت ، ولے بے ماسا کس پیدا بوت نہ کنت۔