Sangat Academy Monthly Sangat Quetta
جمبرو ساچانا موسم ئے سیلا بیا
بیارویں گردانا موسم ئے سیلا بیا
ماکنیں برھداریں ھلک ئے وتی توسیپا
درکپیں شادانا موسم ئے سیلا بیا
چوں دلا لگ اَنت اِنت اے ندارگ وشیں
شر بچار میدانا موسم ئے سیلا بیا
پاد کاینت چہ دلادل ئے اُپارگ منی
بل ھمے دردانا موسم ئے سیلا بیا
تب منی بے تاب اِنت زرد چو بیچاڑ انت
رِد بدئے گالانا موسم ئے سیلا بیا
مولم ئے گورگند وت دیر بریں اولاکے
بیا بُریں پادانا موسم ئے سیلا بیا
تہلگیں روچانی ترانگا سرگوز کن
یاد مکن یادانا موسم ئے سیلا بیا
زہیرؔ پہ تو مہر یگیں زند ئے تو ہمراہ ئے
مار ہمے وھدانا موسم ئے سیلا بیا
