حمد ۔۔۔ ضامن مراد۔ پیشکان

سرجمیں ستا تئیگ ایں
زیب دنت ترا تئیگ ایں
اول ایں تئی ھستی
ذات آ خر ءَ تئیگ ایں
روچ ءُ ماہ استاراں
رژن ایوک ءَ تئیگ ایں
کوہ، ڈن ، ساوڑ ، دشت
ارض تئی ، سماء تئیگ ایں
نود، کور، زِر ، جمبر
آپ تئی ، ھواتئیگ ایں
زندگی تئی حُکم ایں
مرگ فیصلہ تئیگ ایں
شر ءُ شِر انسان ایں
بیت ھما رضا تئیگ ایں
ابرم ءَِ سرا سرپوش
رحم یا ھُدا تئیگ ایں
ساھدار ءُ بے ساھاں
نام بس دپ ءَ تئیگ ایں
اے جہان ءِ مالک تو
ءُ جہاں آ تئیگ ایں
تو احد ہمک ئیگ ئے
بکش ضامن ءَ تئیگ ایں