Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » حال حوال » سنگت پوہ وزانت ۔۔۔ ضیا شفیع

سنگت پوہ وزانت ۔۔۔ ضیا شفیع

خاران

سنگت پوہ وزانت خارانے اولی سالہ آخری دیوان کہ سر جما میر گل خان نصیر ے سرا ایرکنگ بوت ات ، 21دسمبر2014 جوائنٹ سیکرٹری ضیا شفیع ئے پا گواجہیا جم دارگ بوت۔ دیوانے تہا جارچین پریس سیکرٹری زین العابدین زینل و دومی سنگتانی تہا خدارحم سیاہ پاد ، کلیم ارمان، ارمان آزگ، وحید جشن و شہزاد نور ساڑی اتاں ۔ دیواں دو بہراات ، اولی بہر گل خان نصیر و سرجمیں سال و دومی بہر یک مشاعر ہے ات۔ اولی بہر ے تہا ضیا شفیع ” میر گل خان نصیر ے فکر و سرجمیں سال“ ئے نا ما یک مضمونے وانت۔ ضیا شفیع ءوتی مضمونے تہا گشت کہ گل خان نصیر چوش کہ یک انچیں سوچ و فکرے مالک بوتا کہ چشیں ہزارا ں سال گل خانہ نا ما کنگ بہ بیت بلیں انگہ آئی مزن زانتی، راست گوہی ، غریب دوستی و آئی جورو ترندیں لس شاعری کہ آئی تہا گل خان ءمدام ہما مردم ایر جتاں کہ مروچی ہما گل خان ے فکر و سساوتی دروگے مہر ومحبت ے نام داتگ و گل خان ے پار سائیں فکر و جہد ا پہ وتی نا مادیما آرگاہاں۔ اے گپ پداریں کہ سرجمیں سال میر گل خان ے ناما کنگ بوت و بازیں دیوان جم دارگ بوتاں ۔ اگاں حقیقتا بچارے گڑامردم سر پدبوت کنت کہ گل خان یل انچیں نام و فکرے نام ایں کہ نہ وآسیمینار و کیسٹانی محتاج ایں نہ دگے…….. ۔ اگاں تراکنکی ات تا گل خان ے نا ما کالج جوڑ بکرتیں، پبلک لائبریری جوڑ بکرتیں ، گل خان ے پشت کپتگیں وابا نا معنا بکرتیں…….. ۔ ارمان آزگ ءگشت کہ گل خان نصیرے ناما اے سرجمیں سال کنگا پد باہد ہمیش ایں کہ انچو کہ اے سال دارگ بوت۔ ہمے وڑاگل خان ے فکر ہم گس گسا سرکنگ بہ بیت۔ دیوانے اولی بہرے تہا وحید جشن و کلیم ارمان ءہم گل خان ے سراوتی خیال دیما آورتاں……..
دیوانے دومی بہر یک مشاعرے ات۔ مشاعرے تہا ارمان آزگ کلیم ارمان، وحید جشن وضیا شفیع وتی شعر و انت و دیوان ایش وشنود کرت…….. گڈ سرا براہوی زبانے مزن نا میں شاعر سکالر، آرٹسٹ و سنگت پوہ وزانتے جوانیں سنگت پروفیسر عزیز مینگ ے ناگتیں مرگا دیوانے تہا دست چست کنگ بوت و دعا کنگ بوت خداوند واجہ عزیز مینگل ءبہشت ے آپا نصیب بکنت و پشت پداں صبر بدنت۔

Spread the love

Check Also

سنگت پوہ زانت ۔۔۔ جمیل بزدار

سنگت اکیڈمی آف سائنسزکوئٹہ کی  پوہ زانت نشست 25 ستمبر 2022 کو صبح  گیارہ بجے ...

Leave a Reply

Your email address will not be published. Required fields are marked *