Sangat Academy Monthly Sangat Quetta
چنیں کندیلے بیاران من
وتی رژنا بے بالینیت
تہاریں دھاں گیدی ئے
بدنت تاھیرا ستالاں
بسا ڈینیت دلے تاراں
جبین ئے اندر ئے انسان
مروچان پہکہ بے چار انت
چراگے نیست رژ ناہیں
نہ بئے گواڑگ ئے توکا
نہ چمک آپ ریچاناں
نہ گالاں شادھیں گنداں
نہ ملائے گہیں گنداں
بہ دنت پنتے چہ لبزاں گوں
بساڈینیت دلے تاراں
بہ کنت تو سیپ ھورانی
بہ بندیت شیر کنیں گالاں
بیاریت عہدی کسہ ئے
بدنت مئے جاوراں رنگ ئے
بنازیت بلوچ راجا
آرپتگ و نمیرانیں
بلے مئے چم ارسیگ ھاں
پہ ملا ئَ ما پر سیگاں
