دانمرود و فرعون و شداداک
معصوما ارمان تا جلاداک
خدانا ڈغارَٹی مہری آ
بش کرینو خاخر پسات اس
اُشنگار داٹی بارُن پالُن
خَرُن وسم آ آبادیک
نازل و داٹی زیبا غا
معصوم بشخندئی آمرواریک
زرنا دا بوہانٹو
بدرنگ دا حوکما
کیرغ شاغا نے اینو
مال و معدن و مڈی تے
مَونا بلا مزہ پِڈ
اِنانے سیر غانی آن
مون کرینے مالا
بدنصیب و نِزورتا
بش کرینے جورَنا
خاخرسے محشر نا
داڑان مُست کہ کیدہِ نمے
مُچ مبو نُم ڈڈ مبو
ہمتے تینا کہ بوبڈ
تو بو مونے ظالم نا
تو بو مونے قاتل نا
بے ہمت نُم مَسُرے
بے سیوت نُم مَسُرے
خنپرور ے بُوٹی تے
مرغی تینا کُوٹی تے