Sangat Academy Monthly Sangat Quetta
جیجل ماث جِنک ئے استئے گْہار بانک
اشتا شہ سِوا بیثیں اے دنیا ازار بانک
حذا حسن داثہ شْوارا باز گودی
حیراں حْور استاں تھئی سرا زیندار بانک
تھئی گندغا گو روحا کھیث راحت
سبب سکون ئے استئے چمانی ٹھار بانک
وجود تھئی آ گو بہشت جہانیں
وشیں تھئی ٹھونکا شہ کھیث بہار بانک
تھئی صحوتا شہ بیغاں دْراھ بیمار
شفاعت ء ِ ذریعہ استئے دوا دار بانک
جہاناما نیستیں تھئی ڈولیں ہستی
دْنیا ئے دڑد دلاما تھئے غم خوار بانک
اشتی دعا شہ بیث اڑما دور دوزخ
مزیں تھئی عظمتیں عزم دار بانک
اشتی پھازیں شیرا حذا جنت جوڑ کْھزا
حذا گْر تھئی شان مزنیں شاندار بانک
فردوس، کوثر، مرجان گودی
استاں چماں نی مئیں اِستار بانک
انسان حیواں،مْرغ و مور سرّا
رفیق رحم کھنئے تھؤ رحم دار بانک
