Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » سعید مزاری

سعید مزاری

مونج 

اے مونج آھڑے نئیں
اے مونج سانوڑے نئیں
اے مونج موسمے نئیں،
کہ
ماہ دوا گار بی
اے مونج عمرئے سنگتیں
اے مونج زیندئے زینتیں
اے مونج ساھئے سَنَّتیں
خزاں بی یا بہار بی

دمے آ لِک و او ڈھریں
دمے چو روشا زاھریں
دمے کساں
دمے مزن
دمے گشئے کہ لاندویں
دمے گشئے کہ لاغریں
دمے سمین بھیرا وش

دمے آتھیژیں اوتھریں
دمے اے جان برف کنت
دمے آآس وھنگریں
دمے آپُلے نرمغیں
دمے آ راھئے ڈھنگریں
اے مونجئے ایکیں کِسوّے
اے مونجئے ایکیں دپترے

اے مونجئے ایکیں ھالتے
اے مونجئے ایکیں دھشتے

دمے دلا ھُشار کَنت
دمے اے زیند بار کنت
دلا گنڑی یے یار کَنت
اے ناز دِہ ھزار کنت
دمے وثا گناھگار، بارے بے مئیار کنت
دمے آ وشی ئے گھڑیّا چماں انڑزگؤارکنت
او گیشترا!
اے تُنی ایں دلاں گوں ھاسکار کنت
اے محفلانی اندرا
اے مجلسانی نیامغا
اے کندغانی سر بُرا
وثار برقرار کنت

اے مونج ئے ایکیں دروشمے
اے مونج ئے ایکیں عالمے
اے مونج ئے ایکیں وزّتے
اے مونج ئے ایکیں لذتے

اے مونج گار بی تہ گُڈ
قلم غزل سرا نہ وی
اے مونج گار بی تہ گُڈ
یہ زاری یے دفا نہ وی
گؤذوھاو و بے امن یک شائرے شفا نوی
پھنڑی یے ھون و انڑزی ئے دِہ شئیرے ئے تہا نوی

کہ ھچ سوادھ و لذتے وفائے کسّوا نوی
اغاں اے مونج گار بی ،
تہ تُڑس ھچ دِلا نوی
نماز دِہ ادا نوی
اے مونج گار بی تہ کس دِہ کسے ئے پذا نوی
اے مونج گار بی تہ کس ، پہ ھیل کسے آ نوی
اے مونج گار بی تہ گُڈ
شلوخیں ساز بند بنت
کہ روشئے سَمّلے نوی
شفے آمحفلے نوی
اے مڑدمانی سینغا
نفیسیں یک دلے نوی
اغاں اے مونج گار بی
تہ
عاشقی دِہ گار بی
اے شائری دِہ گار بی
اے دلبری و دوستی و سنگتی دِہ گار بی
ھُذائے ناما کس نہ گیڑت
بندگی دِہ گار بی
اغاں اے کُلیں گار بنت
تہ
زندگی دِہ گار بی
اے مونج ساعتے نئیں
اے مونج موسمے نئیں
اے مونج عمرئے سنگتیں
اے مونج زیندئے زینتیں
اے مونج ساھئے سَنّتیں!!!!۔

 

ھال

مئی ھال پُڑسوخیں،
جوانیں سنگت
گرانیں سنگت
مہانیں سنگت
ترا خبر نئیں
کہ
چے غریبانی زندگی ایں
چھڑوئیں شف روش ئے گندگی ایں
او
وخت ئے زرداریں،
اے فرعونانی بندگی ایں
غریب ئے مذھب
غلام بیئغ
گناہ و جُرما ابید
ھچو ملام بیئغ
غریب ئے پورِھا
داں زندگیّا
جلوخیں تڑکوخیں
زِلّیں روشے
سغرا زیرغ
او
ساڑتیں برفیں
شفانی پوشاک
جانا بیڑغ

غریب ئے کھٹی نغن ئے زمبے
دراھیں ترکا
اے بے وسیں بلُوئیں چُک
نغن ئے چھاری
مرغا پُشتا غریب ئے چم اَنت
کفن ئے چھاری
غریب چے ایں؟
غریب دڑدانی دومی نامیں
غریب کرب و بلائے شامیں
غریب روشے ایں موختانی
شفے دراژیں سیاھگانی
غریب کوریں یہ چمی انڑزے
غریب گُنگیں زوان بھیرئیں
سغر غریب ئے
جغر غریب ئے
اے وخت ئے گراں باریں کوہ شیرئیں
غریب ئے چماں را نُور تھامیں
اے زندگی ئے غرور تھامیں
سکون سختا سرور تھامیں
غریب قیدی ایں
بے وسی ئے کھڑوئیں زیل ئے
غریب بندی ایں ھاکمانی
غریب خوراکیں زالمانی
غریب پوشاکیں میّتانی
غریب جُتی ایں مڑدمانی
غریب ئے دستا را شاندے۱ ؂ نیستیں
کہ بثیں چی یے ھماں دِہ نیستیں
غریب ئے کسا گوں جنگ نیستیں
اے زندگی ئے اُمنگ نیستیں
غریب ئے ساھا سوادھ چی نے
و
نام جندئے دِہ یاد چی نے
غریب ئے ھونا را رنگ نیستیں
ھماں کہ چماں شہ نیرگؤارَنت
ھما مئے ھونَنت!!!۔
مئی جوائیں سنگت
غریب ئے جاگیر
بس
دلے ایں
ھماں دِہ سذ جاھا پرُشتغیں نے
ترا خبریں
کہ
پُرشتغیں دِل مسیت بیئنت
مسیت!
اللہ ئے لوغ گُشژیث
ھمنگیں یکے مناں دِہ استیں
مئی سینغائیں
ھر فزِرا یہ جبرائیل یے
ھمے مسیت ئے گلوآ کوشتی
پول کنتوں!
تئی ھال چے ؟

مئی چم انڑزی بنت
من گُشانی
کہ مئی نصیبا عذاو بازَنت؟
اے چماں انڑزی دِہ ھُشک بی انت؟
ھمنگیں روشے نصیبا استیں؟
کہ زندگیّا من دوست داراں
شفے ھمنگیں دِہ لِکھثئی ؟
کہ
قرار بیئے ثوں
مئی بُت روشے کھڑوئی کوشتی؟
سرین نہ کھواٹی؟
برو ھُذایا شہ کَن تو پولا
مناں خبر کَن
آں داث ولدی
اے تئی سوالانی یہ جوابیں
کہ
تو صبر کَن

Check Also

فہمیدہ ریاض

کوتوال بیٹھا ہے کیا بیان دیں اس کو جان جیسے تڑپی ہے کچھ عیاں نہ ...

Leave a Reply

Your email address will not be published. Required fields are marked *