Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » شام ڈھلنے کو ہے  ۔۔۔ قندیل بدر

شام ڈھلنے کو ہے  ۔۔۔ قندیل بدر

پربتوں سے پرے
لال گولہ گرا
اک دھماکہ ہوا
سرمئی دھول کا اک بگولہ اڑا
چپ کی چادر تنی
کوئی کالک کی بوری فضا میں اچانک الٹ دی گئی
خوف کی ہوک سے
سہمی سہمی سی چڑیا ہمکنے لگی
اپنی ماں کے پروں میں سمٹنے لگی

ایک داسی اداسی سے پھر بھر گئی
اپنے سایے سے ڈر کر لرزنے لگی
کانپتے ہاتھ سے گھر کے آنگن میں کھونٹے سے لٹکی ہوئی لالٹینوں کی لو کو جگانے لگی
بڑبڑانے لگی
وہ کہاں رہ گیا اب تک آیا نہیں
خامشی چھپ کے کیکر کے پتوں میں کچھ سرسرانے لگی
سرخ ہیبت گھروں کی چھتوں سے لپٹ سی گئی
پھر ہوا سر پھری
گھر کی کنڈی سے جیسے چمٹ ہی گئی
ملگجی جھیل میں
ایک کشتی ابھی
پانیوں میں کھڑی
تھرتھری جھرجھری
ختم ہوتی نہیں
ناخدا تھک گیا
پانی رکتا نہیں
اک خدا ہے جو سورج لیے گود میں
شام کے آنے جانے سے ڈرتا نہیں
کشتیاں کھیتے کھیتے بھی تھکتا نہیں

Check Also

یاخداوند قُدرتانی ۔۔۔ شوکت توکلی

یا حْداوند قْدرتانی کْل چاگِرد مالِکئے ھْشک تر و کوہ وکھلگر مزن کسانئے واژہے باطنَئے ...

Leave a Reply

Your email address will not be published. Required fields are marked *