Sangat Academy Monthly Sangat Quetta
محمد بیا رسول اللہ
شفاعت بی پرے کُلاّ
سرئے معراج تئی تختیں
ہمے مئے اُمتہ بختیں
بیا کہ آخری وختیں
گشی پاکیں کلام اللہ
محمد بیا رسول اللہ
شفاعت بی پَرے کُلاّ
ہموذا روش دا تایا
محمد ¿ مصطفےٰ بیایا
کناثیں چادرئے سایا
وثی پوشیدغیں جُھلاّ
محمد بیا رسول اللہ
شفاعت بی پَرے کُلاّ
ہمختر مَں دلا سئی آں
محمد اُمّتی تئی آں
گُنہ گاراں دِہ تی کئی آں
کھتوری واسَن تئی گُلا
محمد بیا رسول اللہ
شفاعت بی پَرے کُلاّ
محمد مئے نگہہ بانِیں
جہاں گِندو مزن شانِیں
قدیمی دُرِّ دِیوَانِیں
بیا مں بارغیں پُلاّ
محمد بیا رسول اللہ
شفاعت بی پَرے کُلاّ
دلا گُوشتہ مناں مختی
چڑھ ثئے سَنَّتے بختی
نمازا کوشتُں پنج وختی
صفا سا مھوئیں بیت اللہ
محمد بیا رسول اللہ
شفاعت بی پَرے کُلاّ
گُشی جُوانسال مستانا
ہزاریں عیباں مئے جانا
الٰہی رَکھِّیں ایمانا
خدا بیاری ترا اللہ
محمد بیا رسول اللہ
شفاعت بی پَرے کُلاّ
