بوڈ ۔۔۔ عابد میر

بوڈ ھئی اھڑی جنھ وچ

سبھ کجھ پانڑی چا گیا

کھا گئے حق وڈیرے سارے

جے کجھ رہ گیا پانڑی کھا گیا

 

کنھن دا ساری عمر دا پورھیا

کنھن غریب دے گھرڑے لڑھ گئے

اکھیاں لڑھ گیاں خواب سمیت

تے جیجل ما دے بچڑے لڑھ گئے

 

وقت گزرنڑا ھے

وقت گزر ویسی

اپنڑے ڈکھ دا بوجھ

ہر کوئی آپ ای چئیسی

 

اج اپنڑے حق لئے

ھتھ پھیلاونڑ والے

بکھے بے بس انسانو

بس اتلا یاد رھوے

 

اینھ ھتھ کوں ہک ڈی

اپنڑا مکا ٹھاونڑا اے

ھر تخت کوں ڈھانونڑا اے

ھر شاہ کرانونڑا اے

 

مظلوم دا حق کھاونڑ آلے

زمیں تے جتنے خدا وی ھن

سبھ کاں عیوضا گھنڑا اے

کنھں کوں معاف نہ کرنڑا اے