پچ نہ لرزایت دوبر،
وابیں چَمّ ئے کُمار
تلوس اِیت تاں ابد،
چم دلانی ندار
ماہ واستال ئے واھگ،
ماں ھاکاں ھوار
پروشتگ اَنت گوں پداں،
اُمر ئے واب وودار
موتک زُرتگ تیاب ئے دپ ئے بالوھاں
چوں بہ کنت اِنت زِر ئے
درد ئے چیریں پَھار
دومی دنیا ئے ھالاں پدااِشکُن آں
دیدگانی ھبر اِشکُتین ئے دووار
نے کہ گامانی دیم ئے سپر منزلے
نے شوھازے دل ئے اُردگانا پکار
شون راھے بِہ دَنت
زند ئے گرانیں سپر
سوج راھے بِہ دَنت
مھرمیں رازدار
نیست ھچ نیمگا
زند ئے ٹھک وتوار