Sangat Academy Monthly Sangat Quetta
مئیں زوانا ٹونک یلہ داثہ توار یلہ داثہ
مئیں چماں چین یلہ داثہ خما ر یلہ داثہ
ڈنگ انت بند بنداں ہوشیاں مئیں ہوناں
تھؤ بوختو زلفانی سیاہ مار یلہ داثہ
مروشی دیثو تھئی ہپت رنگیں بروان دریناں
شموشتہ ہمشاں رنگانی چھنڈکار یلہ داثہ
لالی تہ گلا بانی پجھاریں گیذی جہانا
دیثو تئی رکھ گلاباں وثی پجھار یلہ داثہ
کونجانی دِراژیں گڑدن ئے کل نئیں کو نجاں
گِندانا تئی گڑدِنا کونجاں قطار یلہ داثہ
نہ جکثہ نہ جکی سُہیل نئیں اِشتغاں دروغ من
مئیں میشاں مروشی سُہیل ئے پچار یلہ داثہ
مہتاب ؔ تہ گنوخے نہ بیث پوہ دیذانی رمُوزاں
تہ کہ دیثہ منی دیذاں، من قرار یلہ داثہ
