Sangat Academy Monthly Sangat Quetta
ترمپ ترمپا ریتکگاں ارس بیتگاں دریا منی
یک یکا سستگنت آ ہمدلیں دوزواہ منی
بس انت درملک ئے نوں نودئے ساچگا واتربکن
انسرانیں درچک ئے پیما بے ترا ارواہ منی
آدم ئے اوبادگاں من بل وارء، بزگاں
زندگی ئے مشکلاں آسان کنت اللہ منی
شئیرے بنداں دپترئے تاکاں گوں بل ئے نکش بیت
باریں رنداچون بیت ئے کوڑھیں دنیا منی
بانگ داتگ مہرئے ملا آ حنیف ئے میتگا
وش گوستگ زینت ء، باگیں دل ئے بانگواہ منی
