فہمیدہ ریاض
(ماسکو میں لینن کا مجسمہ گرانے پر)
مجسمہ گرادیا
مگر یہ داستاں ابھی تمام تو نہیں ہوئی
کئی ورق سفید ہیں
لکھے گا جن پہ آدمی
اک اَور بابِ جستجو
کہ حسن کی تلاش میں
کہ منصفی کی آس میں
پھری ہے خلق کو بہ کو
دکاں میں کتنا مال ہے
دکاں میں دلبری نہیں
وکاں میں منصفی نہیں
ابھی پہرڈھلا نہیں
ابھی رواں ہے کارواں
دلوں میں نصب ہیں نشاں
مجسمہ گرا مگر
زمیں پہ زندگی دکاں کے نام تو نہیں ہوئی
ہماری داستاں ابھی تمام تو نہیں ہوئی