دستونک ۔۔۔۔۔ زبیر شاد۔ خاران

باہو ٹیاں ماں دائم جند ئِ زبان ئِ دیما
چے رنگ پیشداریت باریں جہان ئِ دیما

پرمائیت گوان شیئرے درچکانی پَن ءُ تاکاں
مُرگان ئَ بال ئے بخشیت ماں آزمان ئِ دیما

اے موسمانی گوناپ بنی آدم ئَ گوں بندوکُ!
پولیت ہر کس ہندے پہ وت نوان ئِ دیما

شاگے نہ رست تیاب ئَ دریا ئِ گورمان بَڈّ اِت
پشت کپت نا خدائے جﺅریں شگان ئِ دیما

ماں ھچ مباں گوں پر شت ءُ پروشیس شاعری ءُ
آشیئرے لکھگ ئَ اَت زی گدان ئِ دیما

بے تو شگ ئَ ترا شاد ساسارگ ئِ سما نیست
گوں سستگیس سواساں انگت روان ئِ دیما