غزل  ۔۔۔ عبداللہ شوہاز

بستا زند ئے گیابیں دشتا آس گواریں جمبراں
کوش کشّیت واہگانی دہل سبزیں بنگراں

ہرصبا کلّ ئے دریگا ننداں تئی کوکو کناں
شالا من باتاں کپوتے گون باتاں کوتراں

دل پہ نازرکیں بہار و چوشیں پلّاں غم مہ کن
کہ لواریں موسمانی تبدیں جیگا گیمراں

اشکتا گوں کرّیں گوشاں لال ئے پازیب ئے توار
گورتا کوریں چمّاں ارس و بیتگاں من سر سراں

دیدگ اوں درتکاں پمشکا گس دپ ئے چانٹا شوہاز ؔ ۔
کہ مہ گنداں گڈّ ئے لال آ من دگہ ماہ پیکراں