زاہد راہی

رست پیری کہ ورناھی کجا شت
بگش عشقا را نادراھی کجا شت

مرچی تہنائے تو دمک ؤ باذارا
ہما دوستانی ھمراہی کجا شت

وتارا زندگی ئے باہوٹی آ بارت
شپانی واب و آگاھی کجا شت

مسیت ئے کنڈا کپتگ جیڑگا انت
وپا و مہر ئے سوداھی کجا شت

صواب ئے کڈکا نند ئے یا گناہ ئے
جھندماں من کہ پارساھی کجا شت

مدام تو ھمے داشتہ وتی خیال
کہ چیزے نیست نوں گواھی کجا شت

لہتیں روچ انت ذاھد گندگ نئیت
کسے زانتیں کہ اے راھی کجا شت