ماما عبداللہ جان جمالدینی ۔۔۔ لطیف الملک بادینی

(8مئی 1922 ۔19 ستمبر2016)

بابائے بلوچی گلُین ماما عبداللہ جان
شتئے اِشتئے مار ا بردا گوں گمان
تئی پُر مہر و زبادین گپ و گال
دات ا نت مارا وس و جان
تئی زند ئے جاور پما یک قندیلے
روژنا کنت پما تہارین شپان
تئی دیمرئی پسندین پِکر و سسا
ھرکشا چو وشبوئے بوتگنت تالان
اَتئے تو مئے راجئے رہشون و اُستاد
ھماکہ کت تئی سنگتی آ بُرز ا بُوتاآہائی شان
سجین چیزان وتی پہ راجا داتئے یلہ
جُنزئے بندات کو لٹ خانہ اے ناما گوں سنگتان
یک بلائین علم و زانتے تو استکہ داشتئے
گوں بلوچی آ آوار بلد اَتئے چہ ادگہ زبانان
پہ انسان و بلوچ دوستی آ وتی زند ا ندر کُر تئے
پمیشیک پہ تو باز ارمان کت استمان
چہ تئی بیرانیا انون ھر چم ارسیگ و ملور انت
کہ ناگتا چو ن آت مئے بہار ئے تہا زِ مستان
دانکہ جہان است زندگ انت بابائے بلوچی لطیف
گوں وتی بے مٹ وبے درورین گُپت و ھیالان