غزل ۔۔۔ ڈاکٹر علی دوست بلوچ

زمینا چار مرچاں ، ہون ہون اِنت
گُلانی شار مرچاں، ہون ہون اِنت
پدآرُژنئے تُرس ءَ ہور و یک اَنت
ند ءُ ند کار مرچاں، ہون ہون اِنت
بہ رکھّیں حمّل ئے پیما زِرا تو
ہمک سَنگار مرچاں ، ہون ہون اِنت
شلان اِنت ہور ءِ پیما ہون ڈیھ ئے
گُلیں گِندار مرچاں ، ہون ہون اِنت
کپوت و شانتلاں پُر سیگ ، نالنت
کہ ’’ ہُشکیں دار‘‘ مرچاں ہون ہون اِنت
جتائی ءَ علی آ سنگتانی۔۔۔۔۔۔
دل ئے پا ہا ر مرچاں ، ہون ہون اِنت