حمد  ۔۔۔ شفیق شادؔ

ہزار توسیپ ستا کرزیں ہُدا اِنت ، مئے ہُدا اِنت آ
زمین ءُُ زمان ءِ بادشاہ اِنت ، بادشاہ اِنت آ

تمامیں کائنات ئےِ انچو جوڑ کُت چہ وتی غیب ءَ
کہ ہرچی دوئمی چیز ءَ چے جتا اِنت ءُُ جتا اِنت آ

پہ انسان ءَ دوئیں راہ ئےِ کتاں پچ چنچو رحمانیں
بہشت ءُُ دوزاہ گوں نیک ءُُ بَد ءَ اِنت ، یک تا اِنت آ

فرشتہ ، جِنّ و اِنس و درچک و دار و گنگیں مہلوکات
بچار اِت نیلیں دریا تاہتا اِنت ، بادشاہ اِنت آ

گوں نیکیں رحمت و جاہ و جلالاں ظِلّ ءِ سُبحانی
کسانیں ذکرے ءَ وش و رزا اِنت ، مئے ہُدا اِنت آ