غزل ۔۔۔ ماجدشادؔ

چَول پُرْشان ءَ پیداک اَنت
ساز جنان ءَ پیداک اَنت
دیم ءَ ندارگ رنگ رنگیں
ناچ کنان ءَ پیداک اَنت
مُرگاں جنگل یل داتگ
لبز زبان ءَ پیداک اَنت
رولہ رنگاں ریچان اِنت
زہیر گمان ءَ پیداک اَنت
زپتیں ترانگ چو کبگ ءَ
کرْام کنان ءَ پیداک اَنت
موسم چِنچو پرسیگ اَنت
چہر وَران ءَ پیداک اَنت
پاد بہ جَلّنت منزل رؤت
کِشک سچان ءَ پیداک اَنت
شادؔ ! ھیال اَنت کلمانٹیں
بس مہکان ءَ پیداک اَنت