گلیلیوئے زیندھ ۔۔۔ بریخت / شان گل

ساگریدو: گلیلیو ، مں یکوترا پوہیں مڑدے گنٹر ث۔ ہبد ہ سالا داں پاڈوآ لافا، او سہ سالاداں ’’پسا‘‘ لافاتہ صذانی حساباشا گرد پلوٹیمک ( زمین کائناتہ مرکزیں او اے اوشتاثیائیں) نظامہ اندرا صبر اگوں پڑھا ئینتہ غنت آنہی کہ چرچ پلہ بندائیہ کنت اوآزمانی کتاب ، کہ آنہی چکا چرچہ بنیاد ایر بیثہ، تصدیقہ کننت ۔ تہ کو پر نیکسہ ڈولااے در وغ گنٹر ث گڑہ دہ پڑھا ئینت۔
گلیلیو: اے خاطراکہ مں ہچی ثابت کثہ نہ کث۔
ساگریدو بے یقینی آگوں : اوتئی خیالا اے فرقے کنت چہ؟
گلیلیو: دراہیں دنیا آ فرقہ کاری!۔ایذاگند ، ساگرید و۔ مناں انسان زاتہ چکاباوریں ، اوا شی مطلب اشیں کہ مناں کامن سنسہ چکا باوریں ۔ ہمے باور ابغیر مناں صحبا وثی کٹا ژہ کڑو بیغہ سیخ دِہ نیستہ ۔
ساگریدو: گڑہ مں تراٹوکے ڈساں۔ منا ں اِشی سراباورنیں ۔چل سالا داں مڑد ماں مناں یکو پڑھا ئینتہ کہ آن کا مں سنسا قبول نہ ینت ۔ آنہاں یک دمبوئیں استارے چکا سہر یں دمبے ڈس، آنہاں سیاہیں دھشذاژہ پر کں او آں کل وثی لوغاں ژہ رمبا ناں درکفنت کا ینت اووثی ٹا نگاں بھوریننت ۔ پر آنہاں یک پوہی ئے ٹوکے گوئش ، اوہماں ٹوکا ہپت دلیلاں گوں کمکا کں، او آں تئی چکا کند نت ، بس ۔
گلیلیو: اے راست نیں…..اویک بہتان وسیاہغے ۔مں پوہ بیثہ نواں کہ تہ ہمنگیں چیز ے مناناں دِہ سائنسہ گوں مہرہ کثہ کنئے ۔ دلیلا گوں تہ چھڑ و مڑ دغ نہ جز رنت ۔
ساگریدو: تہ آنہا نی چالا کیا دلیلا گوں شوں داشتہ کنئے ؟
گلیلیو: مں آنہا نی چالا کی ٹوکا نہ خنغا ں ۔ منا ں سما ئیں کہ آں ہما وں ختہ یک لاغے ماذ ن گشنت کہ شو شکغا باڑابنتی اویک ماذنے لاغ گشنت وختیکہ آں گرغہ باڑا بنت ۔ اے ہمانہا نی چالاکی ایں۔ نکو ، کہ یک مسافری اے وختا ،وثی گرائیں دستاں گوں وثی خچرا اضافی ایں ریمی بھا نکر ے داث: نا ھذا کہ سٹو رانی اندرا ایراں ، طوفانانی بار ہا پکرہ کنت؛چک کہ وثی ٹوپی جوانیہ سرہ کنت وختیکہ ثابت بی کہ ہور گواری…….ہماں منی اومیث انت …ہمے کل دلیلہ اش کننت ۔ ہو، مناں دلیلہ ملو کیں طاغتہ چکا باوریں ، کا من سینسہ چکاباور یں، انسانہ چکا باوریں ۔ آں دیر داں اشی مزا ہمتہ کثہ نہ خننت ۔ ہچ کسے دیر دہ دیثہ نہ خنت کہ شوں مں ….آں وثی دستا ژہ سنگے زمینہ …… پر ینا ناں ، او گڑ ہ گشی: ’’اے نہ کپتہ‘‘ ۔ ہچ انسانے ہمنگہ کثہ نہ خنت۔ ہمنگیں ثبو تے سکین و ترغیب باز مزنیں۔ موڑی سر اشی ءَ تسلیم بنت، اور دراژوختہ کل پکر کنغ انسا نی نسلئے مز ائیں لذتاں ژ ہ یکے۔
سارتی پیہی : تر اچی اے گزریں ،سارتی ؟۔گلیلیوکہ وثی ٹیلسکو پہ چکا نشتؤ نوٹساں ٹا ہینغیں ، بازوہشی ءَ : ہو، مناں آندر یاگز ریں ۔
سارتی : آندریا ؟ آں و پتوں وہا ویں۔
گلیلیو: تہ ہاغہ کثہ نہ خنئی ؟
سارتی :بلے ترا آنہیا گوں چے کاریں ؟
گلیلیو:میں آنہیا ہمنگیں چیز ے ڈسغا باڑایاں کہ آں بازو ہشہ بی ۔ مں لوٹا ں کہ آں ہمنگیں چیز ے گندی کہ دانڑ ت ومرشی اژ مں سوادوہمی ہچ کسا نئیثہ ۔
سارتی :اغد ہ ہمنگیں چیزے کہ تئی ٹیوبا ڈسثہ ؟
گلیلیو: ہمنگیں چیز ے کہ منی ٹیو باڈسثہ ،سارتی ۔
سارتی: او ہمانہی خاطرا مں اے نیم شفا آنہیا ہاغہ کناں ؟۔ تئی دمغزٹیکیں ؟۔آنہیاوثی وہاوگزریں ۔ مں آنہی ہاغہ کنغہ بارہا سو چثہ دِہ نہ خنا ں۔
گلیلیو: پکئے؟
سارتی : پکاں۔
گلیلیو:سارتی ۔ گڑ ہ تکا ں تہ منی مذتہ کثہ کنئے۔ گند، ہمنگیں معا ملہے کڑ وبیثہ کہ ہمانہی چکا ماہم صلاح بیثہ نہ ووں ، شاید اے خاطر اکہ ماباز زیا ت کتاب پڑ ھثغنت ۔ اے آزمانانی بارہا معاملہے ، استار انی بارہا۔ اے چوشیں :تہ چے گشئے مزائیں کسا ئینہ گڑ دہ چری ، یاکستریں مزائینہ گڑدہ ؟
سارتی شک مند یاگوں : مڑ دمہ سمانہ کفی کہ آں کذ یں تئی پجی ایں، استادگلیلیو ۔ اے ہمکرحالینی ایں معا ملہے چہ ، یاتہ اغدہ مئیں سراملنڈ اکنغا یئے ؟
گلیلیو: حالینی ایں معاملہ اے ۔
سارتی : گڑ ہ تراا شتا فیں ولدی اے ملثہ بی۔ مں تئی اگھا شفہ سفارغہ ایر کناں یاتہ مناں نغنہ دیئے ؟
گلیلیو: تہ دئے ۔ زی ہمے ستکی اَے۔
سارتی : پچے ستکی اے ، سئی ئے؟ اے خاطر ا کہ نغنہ تیار کنغہ نیا مامنا تئی چبوآرغی بثیغاں۔ مں تئی چبونیا ڑ تغثاں؟۔
گلیلیو:مئیں دل شی، ہا۔
سارتی :گند ، تہ ہماں مڑ دے یئے کہ مطالعہ کثئے بلے ادا ئیگی ءَ کثہ کنئے ۔
گلیلیو: ہا ۔ ہا ظاہر یں۔مہربانی ، سارتی ۔
سارتی درکفی برشکنداناں۔
گلیلیو:ہمنگیں مڑدم حقیقتہ یوہ بیثہ نہ ونت ؟ آں اشیا پہ شذ ی انت !
عبادتاپہ پگھئی آیک چرچے شب و جغامانا تکغنت۔ چوتو اے جانا کثیا ور جینیا اندرہ پیہی ، یک موم بتی اے دستیں نیں۔
ورجینیا : ابا، سلامالیک ۔
گلیلیو:بچے پھگئیا کڑو بیثغئے ؟۔
ورجینیا:مں سارتی پجیا پگھئی عبادتا روغاں۔ لُوڈوویکو دِہ پیذا غیں۔ شف شُنث ابا؟
گلیلیو: او شیش۔
ورجینیا: مں اشی اندر اگنداں؟
گلیلیو: پچے ؟۔ ورجینیا یاسمانیں کہ چے ولد یادا ۔ اے گڈی اولیوی چیز ے نیں۔
ورجینیا: نہ ابا۔
گلیلیو: دوہمی ٹوک اشیں کہ ٹیلسکوپ یک پشیمانی اے ۔ تہ ہمے ٹوکہ تکا ئی ہر ہندہ اش کنئے ۔ اے گلی اندرا سہ سکوڈی آبہا بیغیں، او ہالینڈ ا دریافت کنے جیثہ۔
ورجینیا : تہ اشیاگوں آزمانا نوخیں چیز ہچی نئیثہ چہ ؟
گلیلیو: پڑتو ہچی نہ ۔ چھڑویک مزائیں استارے چپی وٹاکڑدے کستریں مژاروئیں ٹک۔ گڑہ دِہ مناہمشانی چکا دلگوش کنغی ۔ وثی جنکہ شاں تکا ساگر ید وآگوں ٹو کاکناناں : بیثہ بی ہماں فلور ینسہ مزائیں نوابہ نامہ چکا ہمے استارانی چکانی’’ مڈیسی استارانی ‘‘ ناما ایرکناں۔ اغدہ ورجینیا آگوں ٹوکا کناناں: ورجینیا تہ اش کنئے تہ و ہش بئے کہ مافلورینسار وغاؤں ۔ مں ہموذا چھٹی اے لکھثہ ، کہ اغرمزائیں نواب مناں درباری ریاضی دانہ ڈولا گزر کنت ۔
ورجینیا دیم بلی : دربارا؟
ساگر یدو: گلیلیو!
گلیلیو:منی سنگت مناں آراماپہ وختگزریں ،مناں ثبوت گزرنت او مں عیشاں آں باڑایاں ۔ ہمے عہدہاژہ مناں پر ائیویٹیں شاگر دانی سغر اں ٹولیمائک (Ptolemaic)نظامئے دُھل وجینغی نوی ۔ گو ئر مں وخت ، وخت ، وخت ، وخت بی کہ مں وثی ثبوتانی چکا کارا کناں۔ وخت کہ اے وختا مناں گوئر کھوڑنَیں۔ او دانڑتی دہ یک ثبوت دِہ نے کہ روشہ گڑدایک آزمانی جسمے چرغیں۔ پر مں ثبوتاں دیا ں، ہر کسے آ پہ ثبوتاں دیاں، سارتیاآ بگرداں پوپا۔ منا یک پر یشا نی اے کہ نواں باریں دربارامناں مہ زیری۔
ورجینیا: آں پک ترازیراں ، ابا۔ ہماں نوخیں استارا اور دوہمی کارانی سببا۔
گلیلیو: برووثی عبادتا۔
ورجینیا درکفی
گلیلیو: مں مزائیں مڑداں بازکم چھٹی آں لکھاں۔ آں کاغذہ ساگر ید وآداث۔ گند ی مں جوانیا لکھثہ؟
ساگرید وزورہ گوں ہماں کاغذہ آخراداں پڑھی کہ گلیلیوآداثہ: ’’ پر، مں اشتونزیخیاژہ زیات ہچی باڑانہ یاں۔ تہ کہ درکفوخیں روشئے کہ جہانی تاریخہ اندرا اے زمانہا روژ ناکنت‘‘۔ فلورنسہ ہمے مزائیں نواب نہ سالی اے۔