طبقاتی معاشرہ او ریاست ۔۔۔ولادیمیر ایلیچ / گل بنگلزئی

او تنک نظر’’ صلح کروکا ‘‘ نظریہ اُن اصُل در بہ دراو ۔ ریاست خاص او طبقہسے نا اجارہ داری نا ادارہ سے ارانا کہ خیر اُونا صذ (مخالف طبقہ تہ) اتون کننگ مفک ۔ دادہن و ہیت اسے ارادیکہ پیٹی بورژوا ڈیموکریسی اصُل پوہ متوس ۔ ریاست نا پارہا رویہ تہ دا واقعہ نا اسے بھلو پاش و شائد (مظہر ) سے کہ ننا سوشلسٹ انقلابی او منشؤیکا اصُل سوشلسٹ افس ( دا دہن و نکتہ سے ارادیکہ نن بالشویکا ک مدام چابت کرے نُن ۔ بلکہ پیٹی بورژوا ڈیموکریٹا کو کہ سوشلسٹا بیان کننگ نا دُڑ و ڈولے ارفیرہ۔
ایلوپارہ آن مارکس ازم نا ’’ کا ؤ تسکی والا‘‘ پرغ و جوڑ ( توڑ مروڑ) بھاز کرار کراراٹے ۔ ’’ نظریاتی وڑٹ‘‘ داڑان نامن مفسہ کہ ریاست طبقاتی قوضہ گیری نا ارادہ سے یا طبقاتی تغیا داک صلح کننگ نا لائخ افس ۔ ولے داہیتے گوجا لنگ اِک یا مُج تیٹی او دیم کننگک : اگہ ریاست طبقاتی ضدّا تا صلح نہ کریفنگنا سوبے ، اگہ دہن تاغت اسے کہ تینے معاشرہ اَک بُڑز تورک اَو ’’ معاشرہ آن زیاتا ن زیات بے خیال مریسہ کاءِک ‘‘ انقلاب کن نا ممکنے بلہ ریاستی اقتدار نا دا مشینری اے بیدس برباد کننگان ہم نا ممکنے ارادیکہ حاکم گروہ جوڑ کرے ستس او ارا کہ دا ’’ بیگانگی‘‘ نا بُتے ۔ دنکہ پدان نن ہُرینہ کہ مارکس دا نظریاتی وڑٹ اَو صفا ءَ نتیجہ اِے انقلاب نا فرضا تا سو گو ءَ تاریخی تجزیہ ئے ءِ کننگ نا سوبا ن پد پورو و دیانت داری سے اٹ دا نتیجہ آ سر مسہ سنس ۔ اَو اندا نتیجہ اے،دنکہ مُستی ہنے سہ نن وضاحت اٹ نشان تینہ کہ ’’ کاڈتسکی‘‘ گیرام ، اَو بے مون کرے اِلاّ۔
-2 سلاح بندا بندغا تا خاصنگا دستہ آک اوَ جیل وغیرہ۔