Sangat Academy Monthly Sangat Quetta
سباھئے نور، ھیالئے زِر نہ منتگ
گِھیں لبزاں گُش ئے زیمر نہ منتگ
کجام رنگاں بہ شوھازاں جبینا
نگاھانی زرا آھِر نہ منتگ
ھما کہ جوڑ بیتگ داستانے
جہانئے زینتاں زاھِر نہ منتگ
مدام گوں وھدئے گردشتاں سروچیر
اے اَہدئے گم جتیں شائر نہ منتگ
منی میتگ پہ من بیتگ درآمد
گشئے پہ من، منی گوادر نہ منتگ
جہانا گِلّہانی گرنچ بوتکگ
شپانی ململیں چادر نہ منتگ
