اینمل فارم ۔۔۔ ترجمہ۔ علی دوست بلوچ

نیں دراہیں جاناور آتکغثنت، بید ژہ ( لاؤ ئیں لا فوئیں) موسساؔ ، کہ پشتی دروازگہ پُشتا وہاواث ۔ میجرا کہ دیثہ کہ کُل الکا پیا نشتغنت او آنہی ٹوکہ گوش دارغا ودار یگنت تہ آنہیا کانگھاروکثو وثی گٹ صاف کرت او بندات کت:
’’ سنگتاں۔شماہماں عجبیں وابہ بار ہا او لا اش کثہ کہ دوشی مں دیثغہ ۔بلے مں ہمے وابہ مجالسہ دروکا پذ ہ کناں۔ ساریا مں دگہ چیزے گپ کنگ لوٹاں۔ منی خیالیں، سنگتاں کہ مں دیردہ گوں شما زندگ بوت نہ کناں۔ او مرگا پیش مں وثی فرض گنڑاں کہ ہماں پوہی کہ مں حاصل کثہ شمار پجینانی ۔ من مزنیں عمرے گوارینتگ ۔ مناں وتی آخُرہ اندرا ایکا وپتیا چاروبچار کنغئے باز وخت رستہ ۔ اومں گوئشتہ کناں کہ مں اے گل زمینہ چکا زیند ھہ باروا جوانیا سرپداں ۔ ہمے پیما اے دنیا ہاساڑی ایں سجہ ایں جانا ورانی بارہا ہم۔ ہمے درگتا گوں شما گپ کنغ لوٹاں
’’ گڑہ سنگتاں۔ مئے زیندھ چی اے ؟ بیائیں اشی بارہامجالسہ کنوں۔ مئے زیندھ ڈکھ و پورہاتی ایں نے، او گوئنڈیں ۔ ما ودی بوں، مارچھڑوہمنکس وراک رسیت کہ مازندگ بوت بکنیں۔ او مئے اندرا ہر کسے آکہ تو انے است تو شما نہیا ناغئے آخری ایٹمہ داں کار گرگ بیت۔ او وختیکہ مئے کار آمدی ھلاس بیت گڈا مارا نا ترسی آ گوں قصابہ دستہ دئیگ بیت۔ انگلینڈ ہ جانور یک سالئے بوھگارند وشی او آرا مئے معناہاں ہم نہ ز انت۔ انگلینڈہ اندرا ہچ جانور آزاد نہ ایں۔ جانا ورئے زیندھ ڈکھ ایں، غلامی ایں۔ ہمیشیں راست۔
’’ بلے اے چھڑو قدرتہ نظامہ بہرے چہ ؟ اے اے سببا ایں چہ کہ مئے وطن اکھر نیز گاریں کہ وتی مخلوقہ جوائیں زیندھے دیغہ طاقتہ نہ داری ؟ نہ ، سنگتاں ! ہزار دھکانہ۔ انگلینڈ ہ ڈغار پہ کشارا باز جوانیں، اشی موسم جوانیں، اے وثی چکا آبادیں نِیں ایں جاناوراں ژہ باز زیات جاناوراں لاف داثہ کنت۔ مئے اے یکیں فارم یک درجنے اسپ، گیست گوخ او صذانی حسابا میشاں پالثہ کنت۔۔۔۔۔۔ ہمے دراہیں ساھدار گوں عزت و آسودگیازیندھہ گوازینتہ کننت کہ اے وختا آنہی بارہا ما فکر ہم کرتہ نہ کنیں۔ گڑہ پچے ما اے رنگیں ویلی ایں حالتانی اندراؤں؟ اے خاطرا کہ مئے پورہاتئے دراہیں پیداوارہ انسان شماّ برنت۔ ہمشیں سنگتاں، مئے دراہیں ڈکانی سبب۔ یک سببے،او آنہیں ’’ مردم‘‘ ۔ مئے اصلیں دژمن مردم ایں۔ مردما دیر کں، لنگھڑو خواری ژہ بُن و بیخہ ھلاس بنت۔
مردم ہما ں واحدیں مخلوقیں کہ پیداوار کنغا بغیر گزرہ کنت ۔ نہ آں شیر دنت نہ کہ سپیدگ ۔ آں پہ ننگارہ چکغا باز نا توانیں۔آں تجگا ہمکرسستیں کہ کرگوشکے گپتہ نہ خنت ۔ گڑہ دہ آں سجہ ایں جانا ورانی حاکمیں۔ آں آنہاں کارہ کنائینی ، پَدا آنہاں ہمنکس کم وراک داث کہ بس آزندگ بوت بہ کننت او ژہ گژنامہ مرنت۔ او دگہ ہرچی کہ پشت کپیت آنہاں گوئروت داری۔ مئے پورہات ڈغارہ کیڑی، مئے سغن اشیا پاھہ دینت ، اوگڑہ دہ مئے کرّا مئے پوستا سوا دگہ ہچ نے۔ شما گوخ کہ منی دیما نشتیا اِنت ، شما گوئستغیں سالا چنکس ہزار گیلن شیر داثہ؟او ہماں شیر شتغنت کجا کہ ہماہاں شمئے روڑ محکم وزرنگ کثنت۔ ہمے شیرانی ہر ترنپ مئے دژمنانی گُٹہ سرائرا شتہ۔ او ککڑاں شما؟ ۔ اے گوئستغیں سالا شوا چکھر آنوا یر کثہ؟ اوشماہاں چکھر آنو چُوری دیغا داں بھچتغنت ؟۔ باقی دراہیا جونزؔ او آنہی مڑدما نی واسطا زرکٹغا مارکیٹا شتغنت ۔ او ، تو بگش کلوؔ ورا ! تئی کٹثغیں چیاریں کُرّغانی چے بیثہ کہ تئی پیر ہا کمک و دل و ہشی بیثنت ؟۔ کُل ، سالہ عمر ہا پجثیا شوشکے جیثغنت۔ تہ نِیں آنہاں دوار ہچبر دیثہ نہ خنئے ۔ تئی چیار سالہ زنکانی ، او ڈغارانی سرا پورہاتئے تراچے مُزرستہ، ابید ژہ یک آخُر او مقراریں راشنا؟
’’ حالانکہ ما خواریں زندے گوازینغاؤں ، گڑہ دِہ پیلویں زیندھ نصیونہ وی ۔ مں وثی جندہ واسطا پٹنڑا نہ خناں ، اے خاطرا کہ مں بخت والا یاں ژہ یکے آں۔ مں دوازدہ سالئے غاں او منی چُکانی کساس شہ چار صداگیش ایں۔ اے رستر ( سوئر) ئے قدرتی عمر ہاایں۔ بلے ہمک جانا ورا آخرا ظالمیں کاڑچہ دیماروغی ایں۔ شما منی دیما نندوکیں ورنائیں رستراں ، یک سالے اندر اندرا بوراناں ساھہ دئیت۔ ہمے بیمناخیں ساعتا مار کُلاں روغی۔۔۔۔۔۔ گوخاں، سوئراں، مُرگاں ، پساں ۔۔۔۔۔۔ کلاّں ۔ حتی کہ ماذن و بینگاں دِہ گہہ تریں بخت نے۔ تہ ، او باکسرؔ ہر وختیکہ تئی اِستؤریں گوژد کم طاغت بنت، جونزؔ ترا نا کارہ ایں اسپانی کُشوخہ گوں شوشکی، آں تئی گڑدنہ بُری او ترا روباھہ شکاری ایں بینگاں پہ گراذی۔ بینگانی چے بی ؟۔ آں کہ پیر بنت و دتانش رشنت ، جونز آنہانی گڑدناں مزنیں سنگے بندی او نزیخیں اوٹغہ چغل دا۔
توگڑہ سنگتاں! اے ٹوک بگی نَیں چہ کہ مئے اے زند ئے سجہ ایں ڈکانی بنزہ مردمئے ظلم و زوراخی ایں؟۔ بس انسا نا ژہ جانا چوڑائیں، تو مئے پورہاتئے کٹو مئے جند ئے بیث۔ یک شفہ اندر اندرا ما بھاگیا او آجو بیثہ بوں۔ گڑا مار اے ردا چے کنگی ایں؟ پرچہ مارا مردمہ ذاتہ بادشاہی چپی کنغا پہ روش و شف ، روح و دلا گوں جہد کنگی ایں! سنگتاں پر شما منی کُلہ ایشیں:بغاوت!۔ مناں سمانَیں کہ ہمے انقلاب کدیں کیت۔ اے یک ہفتہ اے اندرہ دِہ بیثہ بی او صذ سالہ اندرا دِہ ۔ بلے من اے گپہ ہمے ڈولا پکاں چو کہ وثی پاذانی شیرا اے کَکا پکوئی گند غایاں، کہ انصاف زیث یا دیر، کنغ ضرور بیث۔ سِنگتاں وثی چماں ہموذا ٹک کنیں، داں وثی دراہیں سراتکغیں گوئنڈیں زیندھا!۔ اشیا ژہ دِہ لازم ایشیں کہ منی ہمے پیغا ما وثی آؤخیں پذریشاں ( پدر یچاں) دیاناں برایں۔ کہ بلاّں آؤخیں نسل ہمے جہدا برجاہ داراں داں سوبا۔
’’ او یات بدارت سنگتاں! شمئے فیصلہ بایدیں ہچبر نزورمہ وی۔ ہچ دلیلے بایدیں شمار بے راہ مہ کنت۔ اے ٹوکا ہچبر گوش مہ دارت کہ کسے شمار گشی کہ مردم و جانا ورانی مفاد یک انت، یا اے کہ یک خوشحالی دگرئے خوشحالی ایں۔ اے چٹ دروغَنت۔ انسان بغرژہ وثی مفادا دگہ ہچ سہدارے مفاداں نہ غندی۔ او مئے جانا ورانی اندرا بایدیں پیلہ ایں یکوئی بہ بی۔ جدوجہدہ تہا پیلہ ایں سنگتی۔ دراہیں انسان دُژمن۔دراہیں جانا ورسنگتنت‘‘۔
ہمے وہدا مزنیں کو کاروچگائے بنا بوت۔ میجرہ تقریرہ وختا چار مزنیں مشک شہ وتی کونڈاں ڈنا درا آتکغنت او آنہی ٹوکاں اش کنگا اتنت۔ نا غماں بینگانی نغاہ اشانی سراکپتہ، او اے چھڑو وثی کونڈانی پلوا آنہانی شیمو شث کہ آنہانی زیندھ پجثہ ۔ میجرا وثی پاذکڑو کثؤ آں چُپ داثغنت۔
’’ سنگتاں‘‘ آنہیا گوئشتہ ’’ ایذا یک گپے بایدیں گی ایشغ بہ بی۔ اے جنگلی مخلوق بزاں مُشک و کرگشک مئے دوستنت یا دژمن ؟ بیائیں ہمشی سرا ووٹ بہ کنوں ۔ مں شہ اے مچی آ جُست کناں۔ چے مشک مئے سنگتاں؟‘‘۔
ووٹ بیثہ۔ مزائیں بہرا منّثہ کہ مشک سنگتنت ۔ چھڑو چیار ووٹ خلا فا آتکہ ۔ سئے بینگ او یک پشی ، کہ پذا سما کپتہ کہ دوئیں نیمگا ووٹ داثیش۔
’’ مناں چیزے دگہ ہم گشی ایں ۔ مناں یک ٹوک دورندا کنگ ئے عادت نَیں۔ مردم او آنہی کارو بھیراں گوں وثی دژمنیا یکو گیراریں۔ دو پاذی ئے ہر چیز دژمنیں ۔ چیار پاذی او پر والی ہر شئے دوستیں۔ اے دِہ گیراریں کہ انسانا گوں جنگہ وختا ما بایدیں آنہی گھاڑا مہ ذوں ۔ حتیٰ کہ اغرما آنہاں پروش دوں ہم، ما آنہی عادت و عیباں نہ زیروں ۔ ہچ جا نا ورے لوغے اندرا نہ ساہڑی، او لحیف و گندلاں نہ وفسی۔ گذاں گُرہ نہ خنت، شرابہ نہ واڑت ، تمباک نہ کشیت، زرّہ دستہ نہ لائی، او واپارہ نہ کنت۔ انسانہ دراہیں عادت بذی ایغنت۔ او کلاں زیات اے کہ ہچ جانا ورے وثی جانا ورہ سرا ظلمہ نہ خنت ۔ نزور بہ بَنت دوری او توانا ۔چالاک بہ بَنت یا سادہ، ما کُل براثوں۔ ہچ جانا ورے دوہمی جانا ورہ ہوناں نہ ریشی۔ دراہیں جانا وریک و برابرانت۔