کاہُو کلام خور ۔۔۔ عزیز مینگل

ہر فک درک نی
خل و بِٹک نی
وراس تڑک نی
دوبہ ئِ ہرفپہ
سولی پاہونا
کاہُو کلام خور
جہنم نا نی جور
تہار ے نا دور
بے سُہب اُن تمّوک
داڑے نن بے غور
بے خواج مَسُن
خلقَ ٹی تینا
ڈیہہ و ڈغار آن
تینا دیار آن
جبَر نا دورے
عالمی ضمیر خاچا نے انتئے
بنپک او انتئے
توار ے حقَ نا
بُڑزَ نام خاچا نے
خف خاچو کرینے
منصف امر اُر
بنپک یا خنپک
یا کرّ ے و کور ے
آجوئی نا گنو کا تا ٹَّبر
ہر فینے سو غند
کو کار ے اونا
دوٹی ئِ بیرک
پارے درو اَم
پائک اینو اَم
راج ئِ امو نُم
کبو بُن بیل و گار و گم
پُورہ بو تیوئی
بُن داﺅ ئِ اونا
کہ حقَ نا بِنپک
غا و ءئِ خلقَ نا