زورِ زر ۔۔۔ محمد رفیق مغیری

زر نہ بی شہ ئِ کھس نیں یار
کُلاں شہ دوستیں دُنیا دار
کھس غریباں براث نہ کنت
تو نڑیں عالم فاضل بنت
بھلّی لائق بیث بے شمار
زر نہ بی شہ ئِ کھس نیں یار

استیں کلدار ہر کھس تھئی ایں
دوست برادر کل منی ایں
اگہ ڈھیریں گوتھوا دینار
دنیا سالم تھئی ایں یار

کھیث گو زراخوش لِباسی
لڈی رﺅثی حق شناسی
کھئے ثی چھکھار ب ئِ مار
ابلیس ئِ بی تا بعے دار

اے نام حُذائی پھج نئے کھاراں
حکم نوی ئِ گوش نہ داراں
زرایشاں چھوں کنت خوار
شف روچی غیں سُود واپار

مظلوم ئِ اے ترس نہ کھناں
خدائی قہرے تُھڑس نہ کھناں
گناہاں بوں تھے اے سربار
معاف کھنوخیں رب غفار

رفیق حبرا گوش نہ داروں
گِندئے ایشاں کل سڑداروں
عقل ئِ ایشوں کل بیمار
معاف کھاں مولا جُرمار مار