تصویریں ۔۔۔۔ فیصل احمد

(1)

میر گل خان نصیر

علم و ادب کا جُویا، شاعر ، صاحب ِتدبیر

پریم پجاری دھرتی ماں کا اورساتھی دلگیر

تاریکی کے جل میں جیسے روشن اک تصویر

کتنا اچھا نام ہے اُس کا میر گل خان نصیر

(2)

سائیں کمال خان شیرانی

فکرو شعور کے سرچشموں کابھید بھرا سیلانی

جیون تپتا دشت ہے جس کا ٹھنڈامیٹھا پانی

حیرت سے اُسے تکتی پہروں آپ کھڑی حیرانی

دنیا یاد رکھے گی نام کمال خان شیرانی

(3)

عبداللہ جان جمالدینی

ست رنگی تیرے یار ہیں سارے، سب اچھے انسان

تیری فکر میںدیکھے ہم نے صدیوں کے ارمان

تیری زمیں پر رنگ جمائیں خوشیوں کے سامان

عبداللہ جان تری خوشبو سے مہکے ہے بولان

(4)

سوبھو گیان چندانی

خاک میں شاہی مل جائے اور عام ہو روٹی پانی

مزدوروں کے خواب سلامت سرخ سپید اور دھانی

کام سے نام سدا رہتا ہے ورنہ عمریں فانی

دھرتی تجھ پر فخر کرے ہے سوبھو گیان چندانی