Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » قصہ » زرّئے تماشا ۔۔۔ گوہر ملک

زرّئے تماشا ۔۔۔ گوہر ملک

مروچاں انچیں زمانہ یے آھتگ کہ ماس، گہار، پس، براس، دوست و عازیز، ہرچی زرّاِنت۔ تراباز است تو چہ ہزار عزت داراں عزت دار بئے،چہ نزیک تریں دوست و کساں نزیک ترئے۔ اگہ تراہستی و دولت نہ بوت تہ توہرچی مہر بکنئے وتی سرو جانا بدئے ۔ ہرچی شرّی بکنئے،نیک  دیندار ودانا بہ بیئے، سکی سوری آ کار ابیائے۔ کس تراجست نہ کنت کہ کئی باگ ئے بٹاگے۔ مروچاں مہر و دوستی گوں زر ئے شاہیما تول بیت، پہ امیشاد انا ہاں گشتہ کہ”زرّپہ وت دارئے رُوح پہ عالم“۔ انچو کہ ڈگار ئے کھنڈ و کھوڈچہ آپاپُر بنت تہ درانہ بنت ہمے وڑ دولت انسان ئے عیباں چیردنت۔ گشئنت کہ گوں چاندی ئے میھ آ آسن ئے دروازگ ہم ٹنگ بُوت کنت۔

                 ماو شماوتی چپ و چاگرداشپ و روچ انچو گندگا اَن کہ دولت ئے ہوسا چو ہوپے آ درست ملکا گپت۔ مئے بلوچستان ہم پشت نہ کپتہ۔ ہر کس ہمے جہد ا انت کہ جائز نا جائز انچیں کاروبارے بکنیں کہ شپوئی شپ استو مند ببیں۔کس کہ دولت ئے مُچ کنگا نہ زانت آبے عقل و لگور لیکگ بیت۔ ہمے سبب انت کہ مئے و شمے دیما شش و  ہفت سال پیش کسان کسانیں گسانی تہا پہ گریبی و سادہی آ گزارہ کنوکیں مردم مروچی مزن مزنیں حویلیانی ”الٹرا ماڈرن“ بنگلہ ہانی تہانشتگ انت۔ ھر، اُشتر و باسکلا سوار بوتگینانی سواری مروچی ہشت و دہ لکھ ئے سوک و پجارو، و نوک نوکیں ماڈل ئے گاڑی انت۔ اماکہ گرماگ و زمستان اش پہ ساھگ و پے تاپا گواز ینت نوں بید چہ ایر کنڈیشن و پنکاآ سگت نہ کننت۔ گوں پیماز، آپ داد و آپشکا نان وار تگینانی گزارہ نوں بیدچہ مرگ پلاؤ، کڑاہی، پڈنگ و آئسکریم آ نہ بیت۔ دانکو، کوٹگئے توم و گھنون وروکانی جیب و پندول چہ پستہ، بادام، چیونگم، و چاکلیٹا پُرانت۔ درپ انچوپُر انت کہ سر لیٹگ انت۔

  اگہ زر و دولت بُوت تہ دود و ربیدگانی بدلی المی انت۔ مردم کہ ترقی کنت ظاہریں دیماروت پشتا پرترت نہ کنت۔ بلے گندگیں چیزہمے سیالی ئے کست انت۔ گِش انت اسپا وتار نال کُرت کڈکا وتارا گُل میحہ ئے جت کہ تر ا کپینت کہ ھُشکا باز ینے کبگ ئے رواج ئے یات کنگ ئے کوششا چوکلاگا سٹک جنگا اَنت۔

  بازیں گسانی تہا مرد و جن ئے مزن مزنیں مڑ و جنگ ہمے ھبرانی سرابنت کہ تئی براسارنگینیں ٹی وی گپتہ تو پرچی نہ گرئے؟۔ آنہی چُک سُہبا ھیک و ڈبل روٹی ورنت تو مرے کہ منادئے گوں۔ھما گشنت کہ گوھ روپ و منا آنگوردئے۔”ہمے برابری ئے کست انت کہ مردما خوار کنت۔

  اگہ مردم پہ شری و دل پھکی آ بچاریت۔ آنہی ضرورت انکہ نہ انت چوکہ آسرجنت۔ بلے خدا جنت اے پلیتیں نفسا کہ بنی آدما انکہ خوار و ھزاب کرتہ و تاچینت۔اے انسان ئے فائدہ انت کہ یک برے عادت ئے خراب بُوت پداجوانی ئے پہ قسمت انت۔ہمے رد شتگیں عادتانی ہوپ انت کہ زندگی ئے لوٹاں زیات کنان انت۔ اول انسان ئے ضرورت سے ات انت: نان، پچ، او گس۔ بلے نون تنیا نان نہ انت، گوشت، برنچ، سجی و چرغہ انت۔ ڈبل روٹی، مکھن، جام جیلی، فرنی و کسٹرڈ انت۔ پچ تنیا پہ جان ئے چیر دئیگا ویل، چیٹ یاخاکی و ملیشی نہ انت۔ امریکہ و جاپان ئے گراں بہائیں گدے بہ بیت۔ نرم و نازرکیں سوٹے ہچ کہ نہ بیت دو ہزار ئے دوچے پر ببیت۔

مرگ ئے پانچ، کپک ئے نال یا کہ چندن ئے  ہار ئے موسم ببیت۔ گس یک دو کوٹی نہ انت۔ اگہ سہ ستہ نہ تہ دوستہ ضرور ببیت۔ پدا ڈرائینگ روم، بیڈروم، ڈریسنگ روم، ٹی وی لاؤنج و اینکسی ضروری انت۔ دگہ کار موٹر بی بی ئے جدا، واجہ ئے جُدا، چُکانی اسکول ئے برگ آرگئے جُدا، پداوی سی آر، فریج، ایر کنڈیشن، ڈائننگ ٹیبل، ٹوسٹر، جُو سر، روسٹر، گرائنڈر، بجلی ئے شیور، شاور دگہ چے چے بلابتر، کہ بید چہ ایشان مروچان زند بے معنا و بے مطلب انت۔

 دولت تنیا من شہراں نہ انت کسان کسانیں میتگ و ھلک و بازارآنہی جلوہ ئے ندارہ گندگا کیئت۔ گوات کہ کشیت، گڑہ مشک ئے ہونڈ اہم روت۔ ہر جاگہ نوک دولت، دولت ئے آتش بازی یلہ کنگ و وتی چاگر د ا چراگاں کنگ ئے کوششا انت۔ پہ ڈول ڈولادولت ئے پیش دارگ ئے کوششا انت سور و  ہاروس اش من مزنیں مزنیں ہوٹلاں بنت۔ گریبیں بلوچستان ئے گریبیں مردمانی امیریں شہر شالکوٹ (کوئٹہ) آ ”سرینا“ ہوٹلے پچ بُوتہ ہزار مردم  ئے نانا صرف لکھ کلدار ھرچ بیت۔

                 پہ بانور ئے سینگارک چہ کراچی آ لوٹائینغ بنت۔ یکیں روچ ئے سمبھینگا پہ ہژدہ ہزار لوٹیت و وتی کراچی آ روگ و آیگ ئے جہاز ئے ٹکٹا۔

                ساری آ میڈیکل چیک اپ اش من کراچی آ بُوت۔ بلے نوں پہ گلک و بشانک ئے علاجا لندن و امریکہ آ رونت۔ اے نوک دولتانی تہا، تاجر، کارخانہ دار، رشوت داریں سرکاری افسر، شپُک، (سمگلر)، نشہ بہا کنوک و پہ ردیں ناجائزیں وڑ و ڈولا مال و دولت مُچ کنوک درست گون انت۔ مئے وملک آ ثرمپانی اول سرانت شری آ بگوازیت باریں چہ وڑ جوڑ بیت۔ گوات چنکہ بُرزاروت۔اللہ بزانت۔

 

Check Also

ماہیکان! ۔۔۔۔ عابدہ رحمان

آسمان پر غروبِ آفتاب کی زردی نے ایک عجیب اداسی پھیلا دی تھی۔ سمند ر ...

Leave a Reply

Your email address will not be published. Required fields are marked *