Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » غزل ۔۔۔ مندوست بگٹی

غزل ۔۔۔ مندوست بگٹی

یک پلکے نشت وپا ذاخت انت آں شاہ شان
ہماں دوست دلربہ ایں لعل ومرجان
نیا انت نی نونت پہرے آ مہمان
وزن دڑدئے نی گراں بیثہ شہ باراں
دلی میدانا یک آسے بلغ ایں
شہ حدا دِرکھثو دیما روغ ایں
خبر نئیں سُختہ چے نی چے شُشغ ایں
اے انڑزی اژماں نی بے اختیاراں

ید ڑدے نیم شفاسر بیث دلارا
گوں گرم ایں نیز غاں بُرّیت جغرا
نذا ثوں ڈوہ وثی ہمے قسمتارا
حُذائی کار کُلیں بے میاراں

دل ئے سوچاں شموشاں شوق دوستاں
نہ من کِشت انت نہ مئیں دستاں گوں رُستاں
جُڑ ثنت موسم ئے بستو نی گوئستاں
بُنِ بُرّ بیثہ ، آزمان اشتہ گُوراں
رغاما زُڑتہ نی دِرین ئے نہ اوشتی
نہ رنگے سبز بیث زیب ئے کھاں کھوشتی
امیداں سبزاں انڑزیانی مستی
شہ واغاں سستہ مندوست بے مہاراں

Check Also

The Axiom of connectivity

نوشین قمبرانی زندگی ہے روح مزیخ اور زمیں ہم ۔روح ہیں اپنے اپنے اُوربِٹ کے ...

Leave a Reply

Your email address will not be published. Required fields are marked *