Sangat Academy Monthly Sangat Quetta
دیما سپر کجا رؤت مِنزل منا کجا بارت
درکپتگاں نہ زاناں اے دل منا کجا بارت
مہرئے بہشتیں راہا جیڑاں دلا وتی من
دلبر نہ دنت مہرے قاتل منا کجا بارت
مست و موالے آں من سْد و سما نہ داراں
اَچ من نہ بیت ہچی ،حاصل، منا کجا بارت
مہرئے کتاباں سوچیت ماں راج دپترانی !!!
زانتکار ئے ہال ایش انت جاہل منا کجا بارت
تئی داتگیں گماں دل آسا رسینتہ ممتاز
تئی داتگیں زہیرئے مْشکل منا کجا بارت
