Sangat Academy Monthly Sangat Quetta
کوہ شماں چہ بُرز، کوھدران چہ بالا
اوٹغ وجنگل و جمبراں، زرا چہ دُور
چہ روچا دُور، شاھگانیں پراھگا چہ دُور
سیارھانی استارانی سیمسراں چہ آدست
اومنی ھیال، سپربکن، گوں گشادیا سپربکن
دیوانگیں اوژناگرے ئے پیما زرموجاں چہ بگوز
بے دروریں جوش و جبزگا گوں
دست بہ گربے کناروشاھگانیاں
دوربرو چہ بے شرپی ئے دنیاآ چہ دُور
شات ببو شادھاں گوں جانشود
بنوش ھدائے داتگیں بینگا
ھما آس آپینکا، کہ شُشتگیں پراھگانی دامناں چہ سررچیت
درائیں پگرو وشیاں ابید
کہ مجےِ دابا بستگ انت مئے بالادا
ہما انت شادہ، گوں جبزگانی بال و بانزلاں
روان کنت ایمنی ئے ڈاک و ڈنّ ئے نیمگا
ہماکہ ھیالئے کپودرئے پیما
دلئے تبا بال کنت سہبئے آسمانانی نیمگا
زندمانی ئے بُرزگاں چہ دُور
پُلّانی تران و بے زبانیں ہستیانی جھاگیر
Check Also
سوچوں کے مضافات ۔۔۔ نسیم سید
روح رقصاں ہے یوں جیسے مجذوب گھنگھرو مزاروں کے یا دائرہ وار صوفی بھنور خواب ...