زھیرانی زھرگ

دنیا ئے کجام ہم راج بہ بیت آئی مادری زبان چہ ایندگہ پدے ہیل برتگیں زباناں آنہیا را گیشتر دوست تر او وش تر بیت چیاکہ اے زبان کہ ہما مادری یا ماتی زبان ئے گش انت، گوں ایشی مئے ماتی مہر بندوک انت اے مئے یک راج ئے جہت ئَ اندری جزبگا مارشتانی درشانی ئے یک انچیں وسیلگ ئے کہ مئے تب و میل ئے ھسابا مئے دردا ڈکھ ، گم او رنج ، شاتکامی او وشیاں یک ئے تصورئے دنت او دیم ئَ کار ایت ۔گار انت ہما راج کہ چہ وتی ماتی زبان ئے مہراں زبہر و گستا انت ،اے بنی نوعِ انسان ئے ابرم ئے تہا انت وھدیکہ آنہیا را پدردی بزاں تکلیپ ئے رس ایت گڈا چہ آئی زبانا چست بوتگیں درد ئے مارشت ابو ئے نما جان ئے توارا گوں ہمگرنچ گوشا کپ ایت۔ماکدی ہم نہ اوشکتگ کہ کسے آ را پدردی ئے بہ رس ایت او اے پیم چہ آئی زبانا ”ابو ئے “ابا جان در بہ ات ،اے درگتہ اردو زبان ئے جوانیں زبان زانت پروفیسر خلیل صدیقی وتی کتاب ”زبان کا مطالعہ “،تہا یک جگہے نبشتہ کنت کہ لسانیات عام بشریات کا حصہ ہے زبانیں چونکہ نسلوں کے متعلق وہ کچھ بتاتی ہیں جو کسی اور ذریعے سے معلوم نہیں ہوسکتا اور اس کے زریعہ بنی نوع انسان کے مختلف گروہوں اور قبیلوں کے باہمی رشتوں ،ان کی نوعیت ،اور حقیقت کا پتا چلتا ہے“۔ چہ ایشی اے گپ دیم ئَ کیت کہ زبان نہ ایوکا راجانی درشانی ئے وسیلگ انت بلکیں آیانی دود و ربیدگ ،راجی او راجمانی زند ئے ،قدر و بستار ئے مستری شاہیم انت چہ ہمیشی آئی ئے عروج پدمنتگی زوال نفسیات ،اوابرم ئے درنگازی گوں جوانیں وڈے آ بوت کنت، چہ اے گپا منا وتی یک واقع یات آتک ،یک روچے من ،مات او منی مستری برات آئی لاری ئے سوار دیم پہ شالا روھگا آتاں رابند ا دنیاداری گپ پدا وتی مہلوک و پیشی زمانگ ئے مردم داری مہر ± محبت ،یکجہی او ہمدردی قصہ بلیں سپر دور ات مستریں براتا کموکیں لاری ئے ٹیپ جت ،نور خان ارپ پدا نصیر ئے وش الہانی آ مارا داں احمد وال گولائی آ سر کرت ،رند تر ا مئے ھاران ئے گشندہ سید، عنایت ،بہرام خان او فرید بندات کرت ،وھدیکہ فرید ئے ہمے گانا ات( چینکہ وڈ زان ئے ،،) گڈا منی مات ئے ارس ات انت من پشت ئے سیٹا نشتت اوں گڈا آئی دیم گوں من کرت گوں گِلوتگیں چمے منی دست چ±کت انت۔
من و مستریں برات ہردو ھجکہ انت کہ مات چیا گریوگا انت
مستریں برات سرپد بوت گڈا آئی آ ٹیپ بند کرت ،
من ماتا را جست کرت کہ نماجان تہ پچے گریوئے ؟
گڈا منی ماتا گشت وھدیکہ ترا ایپ سی آ چست کرت ،۔۔۔۔۔
مات پدا گریوگا لگ ات۔۔۔۔۔
سک باز گریت یے۔۔
من ہم سرپد بوت او ہچ گپ نہ جت۔۔۔۔۔
دمانے ھاموشی آپد ماتا پدا دل پہ دنتاں داشت و گش ایت کہ تئی بیگوائی ئے وھدا من ہر روچ اے شعر گوش داشت اوہمے وڈ ا گریت۔
،تئی زھیرانی زھرگ گوں ارساں در کرت گڈا دل کمیں سبک بوت مرچی پدا وھدیکہ من اے شعر اشکت منا ہماروچ یات آتک انت ،
پدا یک روچے من ایوکا ہمے شعر وت ہم سرجمی آ گوش دات بلیں اے شعرے تہا منا جتائی ہچ وڈیں زھیری لبز ئے گندگا نیات اے یک (اسوخت )بزاں ہما شعر کہ آئی تہا شاعر چہ وتی دلدوستا بے مہری او بدفائی ئے گلگا کنت آئی آ را وت سریں ناز و نخرانی سرا تثرن بند ایت۔
اے شعر بلے کہ زھیروکی شعرے نہ انت بلیں گشندہ ئے الہانی او شعر ئے پرسوزیں ترز سنگیں دلاں آپ کنت

بقول فارسی
حدیث درد کہ از حرف و صوت مستغنی ست
بہ نالئہ دف دنے درخروش و ولولہ بوت

گشگ ئے مراد ایش انت کہ ھدا وند تعالیٰ توار ،توری آ ساہدارے ئے بہ بیت کہ انسان ئے ،سازئے بہ بیت کہ زیمرے آئی تہا یک سوز و س±رئے یک تاثیرے مان کرتگ کہ اے بنی نوعِ انسانا چہ اندر ا ژمبلین انت کدی آئی تاھیر و کرارئے سبب بیت او کدی آئی تہی او اندری جزبگانی شونداری آکن انت۔