گوربام

نی جہد اسہ کہ سنگت
نی سہب اسہ کہ سنگت
ہرفیس گام تے تینا
نی مزل آتا ک±نڈا
راہی روان پر عزم
دا پر پِتا کسر تیٹ
تپیسہ دم دری اے
طوفان تو ہمسری اے
دلدست آ کاٹم ئے نا
نا عشق خود سری اے
خن تیٹی مرک ئنا نی
خن تے خلیسہ کاسہ
پاسہ جہان اسہ نی
ای ڈیہہ اسہ نا خواجہ
رنگ تسونس دتر تیٹ
نی جہد کاروان ئے
خیسن دتر نا بے مٹ
تمے اگہ ڈغار ا
نا کاروان نا سنگت
بےسہب امر مروئے ؟
نا پر خمارا خن تیٹ
وا سہب اسہ نا ڈس اے
دا ننک مرغن انگا
نا جہد سوگو انگا
ڈیہہ ئے وسم کروئے
گوربام اسہ اتوئے
گوربام اسہ اتوئے