ہژدمی برومئیر

ہیگل یک ہندےئَ گشی کہ سجہ ایں مزائیں تاریخی حقیقت او مزں شانیں مردم دودھک ئَ ظاہربنت ۔ آں ہمے ٹوکہ اندرا سیمی ٹوکہ اوار کنغہ شمشی : ”یک دھکے ٹریجڈی ڈولا، او رندا مسخرہ ئے ڈولا“۔ کاسی دیئر ڈینٹن ئَ ہندا ،لوئی بلا نک رابر سپائرے ئَ ہندا، 1848-51ئے ”ٹیئر “(2) 1793-95 ئے ”ٹیئر“ ئَ ہندا ،براز تک بابا ہندا۔ہژدمی برومیئر ئے اے دوہمی ایڈیشن دِہ ہمنگا ایں( 3) ۔
مردم وثی تاریخہ وث ٹاہین انت ، پر آں اشی ئَ فرضی صورت ئَ گوں نہ ٹاہینی : آں اشی ئَ وثی جند ہ چونڈ کثغیں حالتانی شیرئَ نہ ٹاہینی ، بلکہ ہمنگیں حالتانی شیرا کہ آں پیشا ژہ موجود بنت۔ سجہ ایں گوئستغیں نسلانی کثغیں چیز زیند غین ئے مغز ئَ چکا یک مزائیں ٹیڑے کچیں وزنے داری۔ اوبالکل ہماں وختا کہ مڑدم چیزاں اووثی جندئَ رانقلابی کنغامں مانا تکیا گِندغ بنت، اوہمنگہ کنغا پہ تیار بنت آں کہ پیشاہچبر نہ یث ،انقلابی بحرانانی ہمنگیں دورو باری آں ماضی ئے روحاں وثی واہرا پہ سورنت ۔آنہانی پیشی ناماں زیرنت ، ہما نہانی جنگی نعرہ آں، او پوشاکاں زیرنت تاکہ ماضی ئے ، مقدسیں پوشاکانی اندرا ،او پنڈثغیں زبانہ مذتاگوں آں دنیا ئے ہسٹری سٹیج ئَ چکا نوخیں سوادھے پیش دارنت۔ ہمے خاطرالوتھرا حضرت پال ئے ویس کثہ، 1789-1814ئے انقلابا وختے رومن رپبلک ئے او وختے رومن ایمپائر ئے جرجانا کثغنت ۔نَیں کہ 1848ئے انقلابا سما اث کہ یک وختے ئَ 1789ئے ملنڈوڑی ایں ڈائیں کنغ او دوہمی وختا 1793-95 ئے انقلابی روایتانی ڈائیں کنغاسوا دوہمی تاں کار جوآں تریں؟۔ اے ہمے ڈول اَیں چوکہ کسے یک نوخیں زبانے ھیل گیڑت تو دھک مں دھکی آنہی ٹرانسلیشناوثی جندئَ زبانہ اندرا کناناں بروث ۔ داں وختیکہ آں وثار ٹرانسلیشن کنغئے وزت ئَ ژہ آزادنہ خنت او داں وختیکہ آں نوخیں زبانہ گزرکنغہ وختا وثی ماثی زبانا دلاژہ کشی نہ ،دھماں وختا نوخیں زبانئے نَیں روح آنہی گرفتہ کئیث او نہ آں ہمشی ئَ وستاذبیثہ بی۔
وختیکہ ہسٹری اندرا مڑتغیں روحانی ہمے سورغ ئَ کہ ہیڑتی ئَ گندئے تو فوراً ہمشانی نیامایک مزائیں فرقے اگھ ئَ کیث ۔کاملے ڈیسمولین ، دانتن، رابسپائرے ، سینٹ جَسٹے، نپولین ئَ ڈولیں ہیرو ،او کہنیں فرنچ ریوولیوشن ئَ پارٹی اور عوام وثی زمانغئے مزنیں فرضہ ادا کنغاپہ کڑوبیثغنت ۔ تاکہ نجات او ماڈرن بورژوا سماج ئَ بیارنت توآنہاں قدیمیں رومن جرجانا کثغنت او رومن بولی ئَ کناناں ہمنگاکثئیش ۔ یکے ئَ تہ انگا کثہ کہ کہنیں فیوڈل بنیاد بھورینتﺅ جھور ینتہ او ہمشی چکا مورثغیں فیوڈل سر گڈ ثغنت ؛نپولین ئَ فرانسہ اندرا ہماں حالت پیدا کثغنت کہ چھڑو ہمانہانی شیراآزادمقابلہ آ رذ وم کثہ کُث، بہر بیثغیں ڈغار آبادکثہ کا تکنت ،انڈسٹریل پیداوار ئِ قوم ئے بُتکہ زنجیریں طاقت استعمال بیثہ بیثنت۔ او فرانس ئَ سرحداں شاں پلوا آنہیا دوہمی فیوڈلیت ئے صورت ہمنگا بوہاری داثﺅ ختم کثغنت تاکہ فرانسہ اندرا کڑوبیوخیں بورژوا سماجی نظام ئِ اے غرض پیلہ بیث کہ یورپی کانٹی ننٹا وخت ئے لوٹ ئَ مطابقا مناسبیں حالت پیدا بی انت۔ یک برے کہ نوخیں سماجی صورت وثی پاذاں اوشتا رینغ بیثہ ، تہ گڑہ کہن و دقیانوسی ایں دے اوبلا گم و گمبھا ربیثغنت ، او ہما نہانی پجی ئَ ،دوارزندہ بیوخیں دنیا ۔۔۔ بروٹس ، گراچی ، پبلی کولا، ٹربیون ، سنیٹرز، او سیزر وث دِہ ۔ وثی گراں مہذبیں حقیقت ئَ اندرا بورژوا سماج ئَ سیئی ، کوزین ، رائیر۔۔۔کولارڈ ، بنجمن کانسٹانٹ اور گیزو ڈولیں وثی جندئَ راستیں ترجمان پیدا کثغثنت ، وثی جندئَ اصلیں جنرل کہ آفس ئے میزانی مُسکا نشتی ایثنت ۔او ہمے سماجئے سیاسی سروک اث کور مغزیں لوئی ہژدہ۔ نِیں ہمے سماج کہ دولت ومڈی ئے پیداوار، او مقابلہ ئے پرامن ایں مقابلہ اندرا پیلوی ئَ جذب اث، ہمے سماج نِیں اے ٹوکا پوہ بیثہ نہ ویث کہ روم ئے روشانی جن وبلا آںآنہی گوانزغہ چوکیداری کثغ اث۔ او ، بورژوا سماجہ اندرا ہیروازم ہرچی کہ کم بی،پرگڑہ دہ وثار دنیا اندرا آرغاپہ، اشی ئَ ہیروازم کنغی بیثہ، وث قربانی دِہ ،دہشت دِہ جاری کثہ ، خانہ جنگی اوخونی ایں جنگ ئَ پڑاں دِہ او شتگی بیثہ ۔ بورژوا سماجئے گلیڈی ایٹراں رومن رپبلک ئے سختیں کلاسیک روایتانی اندرا ہماں آئیڈیل، آرٹ ئے ہماں صورت ، ہماں خود فریبی دِہ رستغنت، کہ آنہاں خاص اے مقصدئَ پہ درکار اثنت کہ وثی جُہدانی اندرا ہماں بورژوا مجبوری او مصلحت کہ استنت آںاژوث ہم او ڈھر بنت ، او یک مزائیں تاریخی ٹریجڈی اے ئِ چُومبی ئَ داں آنہانی ہمت و دھینغ بنت ۔بالکل ہمے ڈولا، یک صدی اے پیش ،ترقی ئے یک دوہمی مرحلہ اے چکا، کرومویل او انگریز عواما وثی جندئَ بورژوا انقلاب ئَ (4)پہ او لڈ ٹیسٹا منٹ ئَ (5)ژہ زبان، حوصلہ او وہم کشتﺅ آڑ تغ اثنت۔نِیں کہ اصل کار درکپتہ، نِیں کہ انگلش سماجئے ری ماڈلنگ پیلہ بیثہ ،تو گڑہ لوک (Locke) ئَ ہباکُک (Habakuk ) تُڈثﺅدرا کثہ۔
ہمے ڈولا ، ہمے انقلابانی اندرا مُڑدغیں روح آنی دوار زیندغ کنغا نوخیں سٹرگلانی سارائینغ و مزں شان کنغئے کا رداثہ ،نہ کہ کہنین ئَ چکا ملنڈ کنغئے ۔ اشیا مقراریں فرض ئَ خیال مزن کنغ وپیش دارغئے کار کثہ، نہ کہ ، اشی عملی حل ئَ ژہ پذ گڑدغ ئے۔ اشی ئَ انقلابی جذبہ ئے اغدہ تازہ کنغہ کارکثہ ، نہ کہ اشی بدروحہ آزاد کنغ ئِ ۔

ریفرنسز

-1لوئی بونا پارٹ ئے ہژدمی برومیئر
فرانس ء اندرا 1848آ گِرداں1851ء ہماں انقلابی کار کہ بیثغنت آنہانی ہیڑ گندی ئَ مارکس ئَ اے کتاب مارکس ئَ نوشتانکانی لافا باز ارزشتہ واژہ ایں۔ ایذامارکسا ہسٹاریکل میٹیریلزم ئِ سجہ ایں قانون بزاں کلاس سٹرگل،او پرولتاری انقلاب،سٹیٹ اوپرولتاری ڈکٹیٹرشپ ئے نظریہ زیات ہیڑتی ئَ بیان کثغنت۔ پرولتاریہ بوژوا سٹیٹ ئَ گوں چے بہ کنت ،ہمے بحث ئِ مارکسئَ ہماں نتیجہ کہ کشتہ آں بے مثال ایں ارز شتے داری ۔ مارکس گشی کہ ” کُل ہمے مشین ئِ پروشغ ئَ ہندا اشی ئَ ا غدہ زیات تکڑا کن انت“ ۔مارکس ئِ ثابت کثغیں ہمے نتیجہ ئِ بارہا لینن گشی کہ ہمے سٹیٹ ئَ بارہ ئَ مارکسی تعلیمانی سک بنیادی ٹوک ایں۔
2۔مونٹین پارٹی (1790 ئَ گِرداں1793ئَ )۔ہژدمی قرن ئِ آخری سالاں وختیکہ فرانسیسی بورژوا زی ئَ انقلاب آڑتہ ،ہماں وختاں نیشنل کنونشن ئَ اندرااے انقلابی ڈیموکریٹانی ٹولی اے اث۔ ہمے نام اے خاطر ا بیثئی کہ آں میٹنگ ئَ وختا کنونشن ئَ ژہ بڑ زی کرسیانی چک ئَ انشت انت۔
-3 برومیئر۔ فرانس ئَ رپبلکن کیلنڈرئِ یک ماہ اے ۔ ہژدمی برومیئر بزاں9نومبر1799ئے ہماں روش کہ نپولین بونا پارٹ ئَ حکومت چپی کثو وث فوجی ڈکٹیٹر شپ جثہ۔ ”ہژدمی برومیئر ئے دوہمی ایڈیشنا“ ژہ مارکسئَ مطلبیں دو دسمبر1851ئے انقلابی حکومت۔
-4 مطلب ایں 17می صدی اندرا انگلینڈ ئِ بورژوا انقلاب۔
-5اولڈٹسٹامنٹ۔ بائبل ئِ ہماں مزائیں بہر کہ پیغمبر و قانونانی کتاب اوارنت ای ۔
(جاری)