مئے دل پرشتہ

مئے دل پرشتہ تہ جہندم کن
اے حیرانی وَا گپے نئیں ‘ تو حیران ئے
ما کل اِشتاں
نصیحت بنت ‘ حکایت بنت
یا دیریگیں روایت بنت
مئے پِیریناں ہمے گشتہ
کہ علمے گِر شہ دانایان او حرفے سِکھ
کتابے گِند چم پَچ بنت
اگاں کِشت وکِشاری کن

ما کل اِشتاں
ڈگارے نئیکہ کابیلے
کتابے نئیکہ تاویلے
نِی دل لوٹیت بزے چَاریں
ڈگارے آپ دئے ‘ تحمے زمینا چَنڈ ‘ چکّاں ماک و دانے کِش
گَڑویے آپ و چَنکے دان مرگانی تسلّا آ پہ برزیں بانڈواں یَل کن
کہ شد راہ ئے مہ کُشّیت اِش

مئے دل پرشتہ تہ جہندم کن
ما کَستے پہ گومے رِنداں بَہا ز رتہ
آ جاڑو بی ‘ کہ جونگو بی
یا شرطانی گِہیں چاکر
دلاں پروشنت

مئے دل پرشتہ تہ جہندم کن
اے حیرانی وا گپّے نئیں
تو حیران ئے