*

سر مڑاھی ئا نہ کَش اِت ھِرّکے کشت اِش تہ چے
ساکم اَت موسم میار ے ، ڈاچی یے دشت اِش تہ چے

اَژ منا شہ دیر رفت اَنت موسم و مرگانی رَم
زھر گپت اَنت اَژ منا و دل وتی ششت اِش تہ چے

لوگ و جاہاں سِست و مارا آرتش بیوانے ئا
حون مئے بَرّانی پاکیں دامنے مشت اِش تہ چے

مرگ چاری اِنت ، علاجے نیست ہچ بنیادم ءَ
مرگ و زند ے راز چی اِنت نِی منا گشت اِش تہ چے

دوستی و دژمنی ئا فرق و پیرے نیست میر
اَر تھرارا بَشک داثئے ، اَر منا کشت اِش تہ چے؟