گوں مبارکءَ

منی اولی او گڈی گند و نند گوں ابا مبارکا ماں کراچی آ َ بوت
سال و ماہ دسمبر 2021 اَت من چِد و ساری بھے نہ زانتگ یا انچو مردمانی گپ اش کتگ انت من گشتگ بلکیں ابا کازی وتسراوت زاہ دنت یا ھبردنت بے اِزّت کنت۔
من ، میر ساگر رھمان و جمیل امام و دگہ ھمراھے کہ میر ا گون ات گوں ما کادر جت ئےِ اوتاکا ماں بابا ئے گورا سربوتیں
ماسٹر ھم ھمودا ات
دست و دروتا پد نشت و دیوانا بوتیں
بلے من اجب ھیران اِت آں چو کہ مردماں گشتگ ات چو بلکل نہ ات میر ئے گوما انچیں گپ و کسہ تو نہ گشت کہ ھمے بابا انت کہ مردماں ھبر کتگ ایشی ئے بابتا مناپکیں مردماں وَ نہ زان آں چے چے گشتت بلے منی دلا بیتگ کہ بابا ءَ یکرندے الم بہ گنداں وپدا بابا آھم شر زانتگ و سرپد بیتگ پمشکہ گشتگے

اے دنیا دروگ ئے بازار انت مبارک
ترا چے چے مناچے چے گشان انت

بابائے دیوان ات میر ، و بابا گپا ات انت ما گوشدارگااِت ایں دیوان و مسکراہ ات
ماسٹرا مناجستے جستے کت او من پسو دات بلے ما تھنا گوشدارگا ات ایں۔۔۔ اناگہ دیمے گوں من کت من وتی نزیک گور وآھگ ئے گشت ئے من شت بابا ئے کش کت نشت آں منا جست کنان ات من پسو دیان اِت آں ھمدا گڑا منا گشتے
چے کنگائے
من گشت ، نودربرے آں
گڑا گشتے کہ منی بابتا تو چے زان ئے
من گشت کہ ، تو پَسِّنی ءَ نشتگ ئے او کراچی ءَ ونتگ و بلوچی شائری ئے ھشت کتابانی واھند ۔۔
پدا واجہ ءَ جست کت تو مناچے اشکناھین ئے
من ھمے شئر کہ کمو پیسرتر زپر کریم ئے ناما مشائرہ ءَ ونتگ ات واجہ ءِجند ءِ ناماندر ات او ونت
منا سک باز دلبڈی اش او ھمے دلبڈی داں زندگاں منی ھمراہ بنت
پدا دیمے گوں جمیل اماما کت ءُ وتی مبائلے دات گشت ئے لھتیں اکس گِر
جمیل اکس گپت۔۔۔
رکستی ئے وھد ا دست منی بڈ ا ٹپّ اِتے او گشت ئے سوبین بات ئے جنزان کن۔
واجہ نیکیں واھگاں من بھے شموشکار نہ باں
ھمدا من زانت و سرپد بیت آں کہ مبارک بھے مپتازاہ نہ دنت او کس ءَ مپت ءَ ھراب نہ گش ایت اومبارک یک نیک دل و شوکیں انسانے
ھو مبارک شوکیں انسانے ات ، مھروانیں مردمے ات ھرکسا گوں یک ات شوانگے بیت یا پوریاگرے ، ڈاکٹرے بیت یا نودربرے ، کماشے بیت یا زھگے ھرکسا گوں یک ات ھرکسا گوں ھم دیوان ات۔