نہرو ئِے نمدی

جواہرلال نہرو ئِے کرا زانت و شعور ئِے سنچ ئِے ہمراہیا یک زیبائیں درشاندابے اوں بوتگ ۔آ ھندوستان ئِے اولی مزن وزیر ویک لائکیں رھشونے بیتگ۔ آ 14 نومبر 1889 ودی بوتگ و27 مئی 1964 ئَ بیران بوتگ۔ آ 16 سالا ھندوستان ئِے مزن وزیر بوتگ او بازیں سالاں ھندوستان ئِے آجوئی ئِے جھداَ زندانا بند کنگ بوتگ۔ آئی آ اے نمدی اوں زندانا نبشتہ کتگ انت او اگاں رودراتک ئِے جوانیں کتاب درچنگ بہ بنت گڑا آئی ءِ ھاس Glimpses Of World History الم ھوار کنگ بیت کہ انو ھمیشی ئِے لھتے نمدی شاکر شعورا "نھرو ءِ نمدی” ئِے ناما رد و بند داتگ انت۔
جواہر لال نہرو Glimpses Of World History کتابا دنیا ئِے راجدپتر ئِے درگتا ،گوں وتی کسان سالیں جنک اِندرا گاندھی آ تران کنت ،اے کتاب اولی رندا 1934 آ چاپ بیتگ۔ اے کتاب دنیا آ بازیں زباناں رجانک بیتگ او ایشی ئِے اردوآ نمدیانی اولی دَرچ عتیق صدیقی آ 1992 ئَ رجانک کتگ بلے عتیق صدیقی ئِے نمدی Glimpses Of World History ئَ ھوار نہ انت آ پیسرا چاپ و شنگ بوتگ آ غلام رسول بلوچا "منتگنت باری” ئِے ناما بلوچی ئَ اوں رجانک کتگ۔ غلام رسول بلوچ ئِے کتاب ئِے تہاGlimpses Of Word History ئِے کتاب ئِے سے نمدی اوں ھوار انت۔ غلام رسول ئِ کتابا 40 نمدی انت او 176 تاکدیم انت کہ 2021 ئَ علم و ادب پبلشر کراچی ئَ چاپ کتگ۔ "منتگنت باری” ئِ کتاب ئِ نمدی 1928 ئِ سال ئَ نبشتہ بیتگ انت۔
واجہ غلام رسول بلوچ ءِ رجانک کتگیں کتابا رند شاکر شعورا اوں اے کتاب ئِ ارزشت زانتگ و آئی رد و بند دیگ ئِے مزنیں جکانسری کش اتگ۔ اے کتابا کہ 40 نمدی ھوار بازیں رجانکارانی کمکا رد و بند دیگ بوتگ کہ ایشانی نام ایش انت۔ جمیل مھراب، غلام رسول بلوچ، ڈاکٹر عاصم زھیر،شکور زاھد، رفیق چاکر، ھسا بجار، علی گوھر، ابراھیم ھمزہ، صادق صبا،انام رزا، فدا احمد، عمر دین مھر، کلیم کادر، سعید ساھل، علی دوست بلوچ، قدیر کرار، شے چاکر، ڈاکٹر شکیل احمد بلوچ، صادق کے بی،مقبول عابد،غلام نگوری، ابرار سمین، داد شاشانی، شاکر شعور، حلیم عالم، واحد شاد، سلیم ھمراز، عمران رزاق ھوار انت۔
نہرووتی اکتوبر 1930 ئِ نمدی ئَ بنداتی ترانا وتی جنک اِندرا ئَ گشیت۔

"دوستگیں چک !
تو شر زان ئے کہ من ئَ سر و سوج کنگ سک نا دوست انت۔ ھر وھد ئَ منی دل سوج دیگ لوٹ ایت گڑا من ھما زانندگیں مرد ئِ ترانگ ئَ کپاں کہ من آئی بابتا ونتگ، بلکیں دیمتر ئَ تو اوں آئی کتاب ونت۔ اے کسہ ھمے کتابا ھوار انت کہ سینزدہ سد سال پیش یکے چہ چین ئَ زانش وزانندگی ئِ شوھاز ئَ ھندوستان ئَ کیت انت۔ آئی نام "ھیونگ سانگ” بیت۔ آ چہ گوریچی کوھان و ریگزار ئَ جنان کنت او آئی ئَ زانشت ءِ ھمینچو ھب بیتگ کہ رنگراھاں کپان و پروشان بیتگ و اتکگ۔ آ ھندوستانا بازیں روچاں نشتگ۔ وت دربرتگ ئِے او دومیگ اوں سوج داتگ انت، گیشتر آ "نالندہ شاھدربرجاہ” ئ َ بیتگ کہ آ "پاٹلی پتر” شہر ئِ نزیکا انت، انو اے شہر ئَ "پٹنہ” گووش انت۔ "ھیون سانگ” وان ایت او باز لائک بیت۔ آئی ئَ بدھ مت ءِ زانت ئِ رھبندی داد اوں گپتگ۔ پد ئَ آ دراھیں ھندوستان ئِ سپر ئَ در کیت۔ اے مزنیں ملک ئِ نشتگیں مردم کہ سدانی سال اد ئَ نشتگ انت آئی ئَ چار اتگ انت او چہ آیاں دراھیں زانت و زانگ دربرتگ انت۔ چَہ ایشی ئَ رند آئی ءَ وتی سپرنامہ نبشتہ کتگ۔ ھمے کتاب ئِ تہا اے کسہ ہوار انت۔ انو من ئَ یات آیگ ئَ انت۔ اے یک مردمے ئِ کسہ انت کہ زرباری ھند ءِ شہر "سوورنا” ئَ کیت انت۔ اے شہر "بھار” ئِ دمگ "بھاگل پور” ئِ نزیک ئَ انت۔
سپرنامہ ئَ نبشتہ انت کہ اے مرد وثی جان ئِ چاریں نیمگاں پیتل ئِ لوہ بند ایت و سر ئَ یک موم بتی یے روک کنت لٹے دست ئَ کنت او میزان میزانا روت اے اجبیں دروشم ئَ آ گوں پھرے ئَ ھرجاہ ئَ تر و تاب کنت اگاں یکے ئَ آ جست کتگ کہ تو وتا چوں پرے ھالا کتگ ؟ گڑا آئی ئَ پسو داتگ کہ منی تہا ھمینچو زانت ھست ،منا ترس ایت کہ منی لاپ مہ ترک ایت ہمے واستا من وتی جان پیتلیں لوھاں بستگ ،شما وَ جاھلی ئَ زند گوازینگ ئَ ات او من ئَ شمئے سر ئَ سک بزگ کنت من ھمے واستا وتی سر ئَ موم بتی روک کتگ۔
بلے من ئَ چہ زانت ئِ ناروئی ئَ وتی لاپ ئِ ترکگ ئِ ترس نیست انت، ہمے واستا پیتل ئِ لوہ ئِ پوشگ اوں الم نہ انت۔ او اگاں من ئَ کمو ہوش مان آ منی لاپا نہ انت۔ آ کجام اوں جاگہ ئَ انت اود ئَ باز ئِ گنجائش ھست انت”
جواہر لال نھرو ئِ نمدیانی جوانی ایش انت کہ آئی ئَ باز جاہ ئَ وتی بندی جاہ انچیں دابے ئَ پیش داشتگ کہ آئی تہا ندارگ کشی ئِ زیبائی وانوکا َ باز اسرمند کنت او آئی ئَ دگنیا ئِ کوھن او کدیمیں دودمان و جنگانی درگتا َ تران کنگ ئِ ہمراہیئَ وتی دور و زمانگ ئِ اوں جاورال دیم ئ َ آرتگ انت۔
"مرچی مئے ھندوستان ئِ راج ھرچی کنگ ئَ انت اے گوستانک ئَ نمیران بنت ما او شما وش بھت انت کہ اے سر و پراں وتی چماں گندگا ایں بلکیں وت اوں ہمے جھد ئَ شریدار ایں۔ ما اے زبردستیں جنز ئَ چے کنیں او مئے جنز ئَ چے بھر بیت ؟ راستی ئَ لوٹ ئے ؟ ما زانت نہ کنیں۔ بلے اینچک مارا زانگی انت کہ مئے دستا چشیں کارے مہ بیت کہ مئے جھد ئَ تاوان بہ رس ایت یا مئے راج ئِ بدنامی بہ بیت اگاں مارا ھندوستان ئِ پاسپان بیگی انت گڑا زانگی انت کہ ھندوستان ئِ ازت و شرپ مئے دستا انت او اے ازت مزنیں امانتے، ما مدام اے شش و پنچا بیتگیں کہ ما چے بکنیں او چے مہ کنیں ، شر و ھراب ئِ راہ گیشینت کت نہ کتگ ہمے واستا من ترا ایشی ئِ دربرگ ئَ اے پیم ئَ گوشاں۔ اگاں تو ھر وھد ئَ شش و پنچ ئَ کپت ئے گڑا ھمیشی ئ َ کارمرز بہ کن،چہ ایشی ئَ ترا باز کمک رس ایت۔ چشیں کارے ھچبر مہ کن کہ ترا آ چیر دیگ بہ لوٹ ایت چی ئَ کہ چیر دیگ ئِ مانا اے بیت ترا ترسگ ئَ انت۔ ترس مزنیں ھرابیں چیزے او ترا نہ براہ ایت، بس ہمت بہ کن تئی درستیں کار ارزان بنت تئی تہا ہمت بہ بیت ترس تئی نزبیلا نئیت تو چشیں ھبرے مہ کن کہ آئی پاشک بیگ ئَ تو ھجالت بہ بہ ئے۔ تو شر سرپد ئے کہ "باپوجی” ءِ سر او سوجاں آزاتی ئِ جنز روان اِنت۔ جنز ئِ تہاھبر ئِ چیر دیگ ئِ ھچ گنجائش نیست ما ھرچی گوشیں او کنیں ترس ئِ تہ ئَ نہ کنیں بلکیں گوں تمردی ئَ کنیں۔
ھمے وڑ ئَ مارا وتی زاتی زند ئَ اوں سرپچی ئَ کار کنگی انت۔ وت ئَ چہ چیر اندریں کاراں دور دارگی انت۔ وتی جند ئِ کاراں گوں وتا را دارگ ئِ مارا ھک ھست انت بلے اے دگہ چیزے او چیر اندری کارے کنگ دگہ چیزے۔ اگاں تو ہمے وڑ کن ئے گڑا وشیانی رژن تئی سر ئَ ساھیل بنت۔ اوہر وڑیں جاورھالاں نہ ترس ئے او دل نہ جن ئے”
اے نمدیانی تہا ھندوستان ئِ آجوئی جھد کجام ھد ئَ پہ آیاں پر ارزشت بیتگ ما ہمے نمدیانی چہ تران ئَ اندازگ جت کنیں۔ یک جاھے ئَ آ وتی جنک اِندرا ئَ گشیت۔
مرچی "نوروز” انت، من گوربام ئَ وتی نپادانی سر ئَ وپتگ و استالاں چارگ ئَ اتاں گڑا منا اے مزنیں سال ئِ ھیال اتک کہ انو گوستگ۔ ایشی ِ ھمراہی ئَ منا اے دراھیں اوست، تکانسری اوشادمانیانی ھیال اتک انت کہ ہمے زمانگ ئَ بیتگ انت۔ او مزن مزنیں تمردیں کارانی اوں یات اتک انت کہ آ مردماں کتگ انت۔ پد ئَ منا "باپو جی” ئِ ھیال ئَ کپتاں آ یرودا زندان ئَ نشتگ و آئی ئَ بے دروریں بدلی آرتگ مئے نزور و بے ہمتی ئَ ارواہے ہوار گیتکگ۔ ایشی ئَ رند دادو (موتی لال نہرو) ئِ او دگہ بازیں مردمانی ھیال اتک۔ ھاس منا تو او تئی مات باز یات اتک ئے، روچ ئِ شھم ئِ دیگ ئَ منا ھال رست کہ تئی مات گرگ بوتگ او زندانا انت۔ چہ ایشی ئَ دگہ نوکیں سال ئِ سوگات چے بوت کنت، ایشی ئِ دیریں امیت بیتگ، او منا َ کمو اوں شک نہ انت کہ تئی مات اوں پہ ایشی ئَ وش او ایمن انت۔ بلے جیڑاں کہ تو نوں ایوک ئے۔ ھیر پانزدہ روچ سر ئَ یک روچے نیاد ئَ آیان کن۔ یک برے وتی مات ئَ اوں بہ گند۔ اے وڑ ئَ تو منی ھبراں مات ئَ دے ئے اومات ئِ ھبراں منا سر کن ئے۔نوں من ھبراں ھلاس کناں او ند ئَ ایر کناں، او ترا یات کناں۔ پد ئ َ تو منی کر ئ َ کائے، ئ ± ما بازیں ھبر کنیں ، گوست ئ ِ واب ئ َ گندیں ئ باندات ئ َ چہ گوست ئ َ جوانتر کنگ ئ َ جیڑیں ، ھمے واستا مرچی نوروز ئ ِ درگت ئ َ مارا اے اھد کنگی انت کہ اے سال ئ ِ ھلاسی ئ َ وتی واباں راست بہ کنیں ئ رڑنائیں باندات ئ َ مرچیگ ئ َ نزیکتر بہ کنیں۔ ھمے وڑ ئ َ ما ھندوستان ئ َ گوستانک ئ ِ تہ ئ َ زندگ داشت کن ایں”
بایدیں اے دراھیں نمدی یکے ئ َ جوانیں دابے ئ َ رجانک بہ کتیناں بلے مئے کر ئ َ گیشتر کسھی لبزانک رجانک بوتگ ، کسھی لبزانک ئ ِ رجانک اوں جوان انت بلے اے دابیں کتاب کہ مردم ئ ِ سنچ ئ ± شعور ئ َ ودیناں بایدیں اوں رجانک کنگ بہ بنت ، شاکر شعور بلوچی زبان ئ ِ جوانیں شائرے آئی ئ ِ تنیگا دو کتاب چاپ و شنگ بوتگ و آئی ئ ِ نھرو ئ ِ نمدیانی رجانک کنائینگ ئ َ اوں مزنیں جکانسری یے کش اِتگ بلے آئی ئ ِ اے کار اوں بے ارزشت نہ انت، یکے آئی ئ َ زبان ئ َ یک بے دروریں کتابے گیش کتگ و دومی آئی ئ َ انچیں مردماں جوانیں دابے ئ َ کار گپتگ کہ آیانی رجانک ما کم دیستگ انت یا وَ چدو پیسر نہ دیستگ ، بلے وھدے دراھیں جپاکشی ھچ نہ بنت کہ نودربر چشیں ارزشت داریں کتابے بہ وان انت و دنیا ئ ِ راجدپتر ئ ِ بازیں تک و پھناتاں آڑناگ بہ بنت۔ ھما وانوک کہ راجدپتری کتاب واناں پہ آیاں راجپتر ئ ِ وانگ وَ چوناھا پرتاھیریں کارے، بلے ھما وانوک کہ اولی بریں کہ راجدپتر ئ َ وانگ ئ َ انت گڑا پہ آیاں چہ اے کتاب ئ َ بلکیں جوانتریں کتاب مہ رس ایت و امیت ھیمش انت ھرکس کہ اے کتاب ئ َ وانیت آئی ئ ِ تن اے 40ایں نمدیاں ھلاس نہ بیت و آیانی وانگ ئ ِ واھگ گیش ودّ ایت و بایدیں اے دراھیں نمدی بلوچی ئ َ ترینگ بہ بنت۔

ماہتاک سنگت کوئٹہ