Sangat Sangat is a popular opinion, columns and blogs website.
مِیہنہ دا مَلُوک پانڑیں تَلی تیں تَل بنڑیے ہِن
مُونجھیں دے بَند بَندوڑے ہِجریں دے ہَل بنڑیے ہِن
جُھمر دی کھیڈ کھیڈوں پیریں تیں گھنگھرو بَدھ کیں
اللہ دے گھر ٹَھکوریاں سُریں دے ٹَل بنڑیے ہِن
سِتراں تیں دُھوڑ اج دی ویڑھا بُہار پاگل
چانݨ دے ہِیٹھ تارے اجاں تاں کَل بنڑیے ہِن
رُوہیں تیں پھردا گوتم سَمو دی ہَند تئیں اپڑیے
نیناں توں نِیر نِکھتے، سَنگھڑ دی چَھل بنڑیے ہِن
اَمرت دی ریت رتی چھالیں تیں جم گئی ہے
عِشقے دی ہک کہانی ریتڑ تیں تَھل بنڑیے ہِن
ڈھولا قصور والا نچݨ تیں من گیا ہا
قصے قصور والے بُھلے دے بَھل بنڑیے ہِن