ھینّار

من دَمانانی ھَلاسیئے ابَدمانیں مُساپر
کہ نزانان کُٹگ
وھدئے انداما درَھگ
ھورکنین وَداران نندگ
باز دَم برتگان
ریس پَر رِتکگ اَنت زِردئے اَنچو
کہ ھَمُک تابا پَدَرد اِنت بچکند
چو منا گواتیا مِسلِ جمبر
گون وتا دور پتاتگ بُرتگ
ما ہمودا گون وتی جندا کماتگ وتی تہنائی گوں لبزان
پدا سِندان کُتگ
چُنت بَرا پہ ترا سر بوگئے جُھدا من وتا ایر بُرتگ
گِردین اوپارا چکرینتگ منا آو ¿رتگ
نون پدا جاہ ھما اِنت من وتی رَنگا آن
تﺅ اَگن اَوست کنئے
کَمَے منا بلّ تھنا
منی اومانئے سَپر ایّر رِتک نکنت
من وَداریگ ھما ساھتئے پہ وت
تﺅ وتی جندئے سَمارا منا پَجَاہ یبارئے

بیا منا شئیرے بکن واھگا دریکّگَ لوٹان
تئیی تھا نکشے من آپئے سرئے بوگ َ لوٹان
تﺅ کہ سر کَشَئے ، بگندئے و بکنزئے من ترا گوّن ببان